Muhammad le Jesuh Khrih hi vawleicung biaknak ngan bik dirhtu veve an si i, an riantuannak zong vawleicung ah a hmual a ngei cem le a ngan cem an si.
Biaknak dirhtu veve an si bantukin zultu zong an ngei veve. Zeitin dah an nuning a si, zeidah zohchun awk an kan chiah timi le zeitin dah an tuahsernak le a nunnak in vawleicung hi an thlen timi kan vun zoh hna lai.
Biaknak dirhtu veve an si bantukin zultu zong an ngei veve. Zeitin dah an nuning a si, zeidah zohchun awk an kan chiah timi le zeitin dah an tuahsernak le a nunnak in vawleicung hi an thlen timi kan vun zoh hna lai.
Muslim nih tihngamh in an zumhmi cu Muhammad hi zohchun awktlak taktak le zulh awktlak taktak Pathian (Allah) prophet a si ti hi a si. Muslim Qur’an (bible) nih a chimmi cu “Allah (Pathian) prophet Muhammad ah hin aa dawh tukmi zulh ding lam le nunzia dawh kan ngei” a ti (Surah 33: 21). Qur’an ah a chim yhanmi cu “Muhammad cawnpiaknak zulh hi Allah nawlngeih he aa tluk” a ti.
Surah 4: 80 ah a ummi cu “Muhammad nawl a ngaimi cu Allah nawl zong an ngai” ti a si. Surah 4: 115 ah a chim yhanmi cu “Muhammad nih fiang tein zulh ding lam a chimh ko cang i, a dohmi paoh le zumh awktlak a si lomi lam a zulmi hna paoh cu anmah tein an i thimmi lam ah nganh tak an si lai i, Hell ah tla ko hna seh—zeitluk vanchiahnak hmun dah a si” a ti.
Surah 4: 80 ah a ummi cu “Muhammad nawl a ngaimi cu Allah nawl zong an ngai” ti a si. Surah 4: 115 ah a chim yhanmi cu “Muhammad nih fiang tein zulh ding lam a chimh ko cang i, a dohmi paoh le zumh awktlak a si lomi lam a zulmi hna paoh cu anmah tein an i thimmi lam ah nganh tak an si lai i, Hell ah tla ko hna seh—zeitluk vanchiahnak hmun dah a si” a ti.
Muslim paoh cu an nunnak dih umnak in Muhammad nawlcawn ding in chimhhrin an si. Islamic scholar John Esposito nih cun “Muslim nih ni fatin an nunnak lam hmuhsaktu caah Muhammad cawnpiaknak hi an i zohmi a si: cucu hawikawm zohkhenhning, ral zohkhenhning, zeidah ei awk a si i, ei lo awk zeidah a si, zeitin dah dawtnak kan ser lai i, ral kan ser lai.
Muslim nunnak ah Muhammad nih hmual a ngeihnak hi a thawng taktak. Biaknak le ramkhel tiang in an lutlaitu a si. Allah prophet zong a si i, an uktu zong a si, ralkap lutlai zong a si i, biaceihtu zong a si, nawlbia petu zong a si i, zulh ding phunglam dangdang petu zong a si; thianhlimnak, thilpuan hrukning, eidin ningcang, yhitum ningcang, nupi tuahto ningcang le raltuk ningcang tiang in cawnpiaknak petu a si”[1] a ti.
Muslim nih Muhammad nawl an zulh dih bantukin Khrihfami hna cu Jesuh Khrih a tuahsernak vialte zulh dih le cawn dih awk in fialmi kan si lo. Khrihfami hna cu kan nunnak in Jesuh ziaza, lungthin-ruahnak le lungput langhter ding in fialmi kan si (1 Cor. 11:1; Phil. 2:5; 1 Pet. 2:21). Pathian duhning in kan nun khawhnak ding ah Khrihfami hna cu chunglei thlennak Jesuh nih a kan tuahpiak (Mt. 5:8, 6:21, 15:8, 18). Cu thlennak cu Thiang Thlarau thawngin a si.
Muhammad Auhnak Zohnak
Muhammad le Jesuh nunning hi aa dang taktakmi an si. Muhammad hi AD 570 ah a chuak. Quraysh miphun a si i, Mecca biakinn a zohkhenhtu an si. Hi biakinn ah hin Arabia pathian hna an um. A hngakchiak lio ah hin a pa a thi i, kum 6 a si ah a nu zong a thi. A pu nih aa cawm. Kum 25 a si in Khadija a thit. A nupi hi kum 15 in a upa deuhmi a si.
Kum 40 a si in vancungmi Gabriel sinah a voikhatnak hmuhnak a ngei ti a si. Ibn Ishaq nih a chimning ah cun hmuhnak a ngeihmi le a cohlanning hi tihnung- tuksaphur ngai khi a si a ti. Muhammad sinah cun Gabriel cu a ra i, ‘hi biaphuan hi rel’ tiah a fial. Cathiam lo a si caah Muhammad nih Gabriel cu “zeidah ka rel lai” tiah a hal. Gabriel nih cun Muhammad cu fak piin a nam i, ka thi lai tiah Muhammad nih cun aa ruah. Cu hnu cun Gabriel nih voithum tiang a nam tikah Gabriel biaphuan cu a relpiak: “minung thisen in a kan sertu na bawipa min rel! Na bawipa cu dawtnak a ngei tukmi a si. Minung nih kan theih lomi a kan chim cawnpiaktu a si”[2] tiah a rel. Muhammad nih a rel dih in Gabriel cu a kal.
Muhammad cu a tonmi thil nih a thinphanter ngai. Bukhari nih a yialmi ah cun “Muhammad cu therh lengmang buin inn ah a rak tlung i, puan tangah aa thup. A ruah hmasa bikmi cu khuachia rianyuannak ah a ruah”[3] a ti. Mah le mah thah duh tiang in a hmuhmi nih a buaiter. Ishaq nih a yial thanmi cu “a miphun nih an ka theih sual lai tiah ahohmanh theihter duh loin mah le mah thah awk ah tlangcung ah a kai”[4] a ti. Asinain a nupi le a ya Waraqa Ebionite nih cun khuachia rianyuannak si loin Pathian prophet a si ko lai tiah thazaang an pek. Thazaang an peknak thawng cun Allah sinah biaphuannak a si tak ko lai timi a zumhnak a ngei than.
Muhammad hi Gabriel he an i ton hlan zongah khuachia rianyuannak nih a uk ngaimi a rak a si. A hngakchiat lio ah a rak zohkhenhtu hna sin i, a um lio kong Ishaq nih a tialmi cu “ni khat cu thlam hnulei ah a um lio ah minung pahnih puan raang aa hrukmi nih Muhammad cu vawlei ah an hlonh i, a paw an hlai i, a chung an kawl. A pu nih a ruahmi cu a hnuhdawh i, a si ko lai hih tiah a zumh, asinain a pi nih cun khuachia nih a luh hnawh i, a si ko lai tiah a zumh”[5] a ti. Muhammad nih biaphuannak a hmuh hnu kum tlawmpal ah khuachia rianyuannak a chungah a lang yhan. Quraysh i pathian pathum a ummi kha Muslim a biakter hna. Asinain a hnu ah a chimmi cu “biaphuannak kan hmuhmi ka chim poah ah hin Satan nih a ka luh hnawh”[6] a ti. “Cun biaphuannak a hmuh hnu in kum khat chung doih a thiammi Jewish pa Labid sinah a um than.”[7]
Jesuh Auhnak
Khrihfami prophet hna le lamkaltu hna nih cun hmuhnak an ngeih tikah Pathian sin in a rami a si ti fiang tein an theih. Minung zeimawzat hna cu hmuhnak an ngeih tikah a laumi le a thinphangmi an um ve ko nain thinphang-tuksaphur in an um bal lo. “Na thinphang hlah” 0r “tih hlah” tiah hnangamnak le thazaang pek an si zungzal (Lk. 1:13, 28-30, 2:10, Isa. 6:6-7, Rev. 1:17). Jesuh Khrih a chuahning hi khuaruahhar ngai a si, asinain Jesuh nih hngakchiate a si lio in Pathian thlahmi ka si ti fiang tein aa theih cang (Luke 2: 41-52). Jesuh nih a nunchung vialte ah Pathian Bia le Satan bia a thleidan khawh peng.
Thise ramcar a kal i, Satan nih a tukforh zongah khan Satan nih a rat hnawh ve ko nain Pathian Bia in a doh i a tei. A riantuan chung vialte ah khuachia rianttuannak vialte cungah nawlngeitu a sinak kha a langhter khawh lengmang. Khuachia zong nih an yih (Mt. 8:16, Lk. 8:26-39). A thihnak le a thawhthannak in Satan a riantuannak vialte a tei dih. Paul nih a chimmi cu “Satan le a rianttuannak vialte a tei dih hna i thangchia le mualpho in a chiah dih hna” a ti (Col 2: 15).
Thise ramcar a kal i, Satan nih a tukforh zongah khan Satan nih a rat hnawh ve ko nain Pathian Bia in a doh i a tei. A riantuan chung vialte ah khuachia rianttuannak vialte cungah nawlngeitu a sinak kha a langhter khawh lengmang. Khuachia zong nih an yih (Mt. 8:16, Lk. 8:26-39). A thihnak le a thawhthannak in Satan a riantuannak vialte a tei dih. Paul nih a chimmi cu “Satan le a rianttuannak vialte a tei dih hna i thangchia le mualpho in a chiah dih hna” a ti (Col 2: 15).
Muhammad le Jesuh Khrih an i dannak cu fiang tein theih khawh a si. Muhammad cu khuachiah nih a nunnak ah biatak tein a tuaitam i, a uk khawh, asinain Jesuh Khrih cu khuachiah nih an tih i a tei dih hna i, a uk dih hna.
An Cawnpiaknak Aa Danning
Muhammad Cawnpiaknak: Rianyuan hram an i thok veve ah hin an chuahnak khua in a si hmasa veve. An thawngyhachim ruangah hremnak an tong veve fawn. Asinain an lehrulning aa dang. Jesuh Khrih nih daihnak lam in a thawngyhachim kar a hlaan lio ah Muhammad cu hriamnam in a thawngyhachim kar a hlan pi.
Mecca ah Muhammad cu thawngthachim aa thok. Kum 13 chung intuar khawhnak thawngtha a chim, asinain hremnak a tam chin lengmang tikah AD 622 ah Medina ah a zam. Medina ah cun zultu tampi a ngei cang i, khua chung hruaitu ah a cang. Intuar khawhnak thawngtha kha chim ti loin a thawngtha a zum lomi hna paoh kha hrem ding in nawl a chuah. Ralkap hman kha biatak tein thazaang a pek cang.
Mecca lei ah kir yhan ding in aa tim i, lam pi ah chawletthal an tonmi hna kha an teih hna i, an thilri an chuh dih hna. Zumlotu yeih le thilri chuh hi a yha ko tiah hmuhnak ka ngei a ti (Surah 8:38-45 & 60-65, 22:39-40, 2:244, 4:95-97). Chawlehthalnak a tuahmi hna yeih le thahnak ah hin nu le hngakchia hna an i tel i, “a a poi lai maw” tiah an hal i, a lehmi hna cu “dohtu lei an si ko caah that ko hna u” tiah nawl a pek hna. An chawva an lakmi vialte hna cu a ralkap hna kha a phawtzamhter cio hna.
Mecca lei ah kir yhan ding in aa tim i, lam pi ah chawletthal an tonmi hna kha an teih hna i, an thilri an chuh dih hna. Zumlotu yeih le thilri chuh hi a yha ko tiah hmuhnak ka ngei a ti (Surah 8:38-45 & 60-65, 22:39-40, 2:244, 4:95-97). Chawlehthalnak a tuahmi hna yeih le thahnak ah hin nu le hngakchia hna an i tel i, “a a poi lai maw” tiah an hal i, a lehmi hna cu “dohtu lei an si ko caah that ko hna u” tiah nawl a pek hna. An chawva an lakmi vialte hna cu a ralkap hna kha a phawtzamhter cio hna.
Mecca lei an rak rat pah i, chawletthal pawl an teihmi hna le an thahmi hna thawngpang kha Mecca leiin an rak theih tikah an rak doh hna. Muhammad le Mecca ralkap hna cu voili tiang ral fak piin tuknak an ngei. 624 AD ah Badr ah an i do i, Muhammad nih a tei hna. Teinak a hmuh tikah Allah nih a ka auhnak a si ko lai tiah zumhnak a ngei chin lengmang. Allah nih teihnak a ka pekmi a si ti zong a zumh (Surah 3:123-125, 8:9, 12-13).
Kum khat a rauh hnu ah Mecca ralkap nih Muhammad cu Uhud ah an tuk yhan. Muhammad cu an tei i, a ralkap hna cu Medina ah an kir. 627 AD ah Mecca ralkap le Medina ah a ummi Jews fonh in Muhammad cu doh an timh. Muhammad nih an khuakhaanmi a theih i, Medina khua kulh kha khor a cawh dih. Mecca ralkap nih Medina cu kulh khawh yhan loin an kir. Mecca ralkap an kir hnu in, Medina ah a ummi Jews hna cu lehrul a timh hna. Ibn Ishaq nih a tialmi cu “Muhammad cu Medina market ah a kal i, kahcham a cawh. Doh ding in a timtu hna cu a auh hna i, an lu a tan hna” a ti. Cheukhat nih an chimnign ah cun “minung 600 a thah hna” an ti i, a cheu nih cun “800 in 900 kar hrawng an si lai”[8] an ti.
Kum khat a rauh hnu ah Mecca ralkap nih Muhammad cu Uhud ah an tuk yhan. Muhammad cu an tei i, a ralkap hna cu Medina ah an kir. 627 AD ah Mecca ralkap le Medina ah a ummi Jews fonh in Muhammad cu doh an timh. Muhammad nih an khuakhaanmi a theih i, Medina khua kulh kha khor a cawh dih. Mecca ralkap nih Medina cu kulh khawh yhan loin an kir. Mecca ralkap an kir hnu in, Medina ah a ummi Jews hna cu lehrul a timh hna. Ibn Ishaq nih a tialmi cu “Muhammad cu Medina market ah a kal i, kahcham a cawh. Doh ding in a timtu hna cu a auh hna i, an lu a tan hna” a ti. Cheukhat nih an chimnign ah cun “minung 600 a thah hna” an ti i, a cheu nih cun “800 in 900 kar hrawng an si lai”[8] an ti.
Caan a rauh deuh in daihnak kap hnih in an ser. Asinain daihnak an sermi cu an buar i, Muhammad nih ralkap thonghra a pumh hna i, Mecca khuapi leiah cun an i thawh. Mecca khuami hna nih cun ruah lo tuk in Muhammad le a ralkap thonghra an ratmi an hmuh hna tikah zeihmnah an i timh manh ti lo i, an ap lawlaw. Asinain Muhammad nih thah ding hrimhrim in a ruahmi hna cu “Ka’bah biakinn chungah an i thuh zongah nan thah hna lai” tiah a rakap cu nawl a pek hna. Thah ding in a ruahmi hna cu zumhnak in a pialmi hna kha an si. Kalauk cu aa cit i, Ka’bah biakinn leiah cun a kal i, an pathian sermi vialte cu a hrawh dih hna i, a khangh dih hna.
Vainam hmang in Islam biaknak cu Middles East chung vialte ah karh hram aa thok. Arab ram vialte le an innpa ram vialte hna sinah Muhammad nih bia a cah hna, “Islam ah nan i thleng lai maw, hremnak dah nan duh deuh” a ti hna. A uknak tangah a kun duh lomi paoh cu hrem an si i, suingun chawva pekter an si. Cun a zumhnak a zum lomi paoh cu a ralkap hna sinah hremning cang cawnpiaknak zong a pek hna.
Allah a zum lomi, caan donghnak a zum lomi, Islam biaknak a zum lomi, le Qur’an a zumlomi hna cu an lungdongh cikcek tiang le sui-ngun-chawva (Jizya) pek duhnak an ngaih tiang hrem hna u tiah a cawnpiakmi hna hmuh khawh a si (Surah 9: 29). Hi chungah hin Islam biaknak a zum lomi hna cu duhthimnak pathum pek an si: 1) Islam ah an i thleng lai; 2) sui-ngun-chawva an pek lai; 3) raltuknak ah an kal ve lai ti an si. Nihin tiangah Muhammad cawnpiaknak fek tein aa tlaihmi le a zulmi nih Qur’an cawnpiaknak a thiangmi raldohnak (holy war, Jihad) hi Islam zumhnak karhternak caah an hmanmi a si. An dirpimi cu vawleicung hi Islam uknak tangah a phak tiang zumlotu vialte hna hi a thiangmi raldohnak in kan doh lai ti a si.
Jesuh Khrihfa Cawnpiaknak: Jesuh cawnpiaknak cu Muhammad cawnpiaknak he cun aa dang ngaingai. Jesuh cawnpiaknak cu, “na ral kha daw hna law an hremtu hna kha thlacampiak hna u” a ti (Matt 5: 44). Pathian nih minung cungah dawtnak a ngeihning fiang tein hika ah hin a lang. Minung le minung karlak zongah dawtnak hi um ve seh ti kha Pathian duhnak cu a si. Jesuh Tlaangcung Cawnpiaknak ah, Jesuh nih daihnak a sertu hna cu a thangyhat hna, “daihnak sertu hna cu thluachuakmi an va si dah, Pathian fale an si tiah auh an si lai” a ti (Matt 5: 9).
Jesuh vawleicung a um chungah raldohnak aa tel bal lo i, raldohnak kong a cawnpiak bal lo. A zultu hna nih vancung in meialh kan thlak hnaawh hna lai maw tiah an hal lio ah Jesuh nih cun a duh lo. Hriamnam he tlaih an timh lio zongah dai tein aa ap ko. A pennak kong a dirhning cu thawngthachim, cawnpiaknak, khuaruahhar thil ser le dawtnak in an si. Minung hna caah vailam cungah a thi i thawhthannak in a rian a lim.
Jesuh vawleicung a um chungah raldohnak aa tel bal lo i, raldohnak kong a cawnpiak bal lo. A zultu hna nih vancung in meialh kan thlak hnaawh hna lai maw tiah an hal lio ah Jesuh nih cun a duh lo. Hriamnam he tlaih an timh lio zongah dai tein aa ap ko. A pennak kong a dirhning cu thawngthachim, cawnpiaknak, khuaruahhar thil ser le dawtnak in an si. Minung hna caah vailam cungah a thi i thawhthannak in a rian a lim.
Jesuh zultu hna nih Jesuh keneh an zulh. Khrihfami an karhnak cu zultu hna nih Jesuh Thawngyha Bia an phuannak thawngin a si. Zultu hna an thihning hi ral an doh ruang le vainam an tlaih ruangah a si lo. Jesuh Khrih min le a thawngyha an chim ruangah a si. Nihin ah cun Jesuh Khrih min thawngyha an chimmi le cawnpiaknak an ngaihmi le miharsa bawmhnak an tuahmi vialte hna thawngin Khrifami hna an karh tuk cang. Vawleicung Biaknak vialte lakah a nganbikmi a si cang. Muhammad nih vainam aa tlaih i, Jesuh Khrih cu daihnak aa tlaih.
Muhammad Le Jesuh Khrih Tuanbia Part- II
-------------------------------------------------------------------------------------
References:
-------------------------------------------------------------------------------------
[1]John Esposito, Islam: The Straight Path, (New York: Oxford Press, 1988), 13-14.
[2]Ibn Ishaq, The Life of Muhammad, trans. A. Guillaume (Karachi, Pakistan: Oxford University Press, 1955), p. 106.
[3] Hadith, ed. Sahih Bukhari, vol. 1, bk. 1, no. 3. This translation can be found online at the Univ. of Southern California's Center for Muslim-Jewish Engagement at http://tinyurl.com/p2ujny.
[4] Ishaq,106.
[4] Ishaq,106.
[5] Ibid., 107.
[6] Ibid., 108.
[7] Ibid., 240. Guillaume's footnote states Muhammad was under the spell for one year.
[7] Ibid., 240. Guillaume's footnote states Muhammad was under the spell for one year.
[8] Bukhari, vol. 4, bk. 52, no. 464.