Biathlam 12 in 14 tiang rel hi film tha taktakmi zoh bantuk a si. Rel cim an si hrimhrim lo.
Zeicatiah hi Dal 3 chungah hin actor phunphun hmuh khawh an si. Hi actor hna hi hremnak nganpi chungah aa tel dingmi an si fawn hna. Actor hna cu: 1) nu - Israel kha a chim duhmi a si; 2) Limkheng - Satan kha a chim duhmi a si; 3) Nau - Jesuh Khrih kha a chim duhmi a si; 4) Michael - vancung minung a chim duhmi a si; 5) Israel - nu tefa hna kha a chim duhmi a si; 6) Rili chungin a chuakmi Saram - Antichrist kha a chim duhmi a si; 7) Vawlei in a chuakmi Saram - a hmaan lomi prophet le vawleicung biaknak hruaitu kha a chim duhmi a si. Hi actor hna hi hremnak nganpi chungah aa tel ding an si i, film in zeih awk tha seh law zeitluk in dah zoh a dawh hnga i, a tihnun hnga. No. 6 naak lei khi cu “Antichrist Le Number 666” ah kan zoh cang i, atu cu No. 1 naak in No. 5 tiang kan zoh hna lai.
Zeicatiah hi Dal 3 chungah hin actor phunphun hmuh khawh an si. Hi actor hna hi hremnak nganpi chungah aa tel dingmi an si fawn hna. Actor hna cu: 1) nu - Israel kha a chim duhmi a si; 2) Limkheng - Satan kha a chim duhmi a si; 3) Nau - Jesuh Khrih kha a chim duhmi a si; 4) Michael - vancung minung a chim duhmi a si; 5) Israel - nu tefa hna kha a chim duhmi a si; 6) Rili chungin a chuakmi Saram - Antichrist kha a chim duhmi a si; 7) Vawlei in a chuakmi Saram - a hmaan lomi prophet le vawleicung biaknak hruaitu kha a chim duhmi a si. Hi actor hna hi hremnak nganpi chungah aa tel ding an si i, film in zeih awk tha seh law zeitluk in dah zoh a dawh hnga i, a tihnun hnga. No. 6 naak lei khi cu “Antichrist Le Number 666” ah kan zoh cang i, atu cu No. 1 naak in No. 5 tiang kan zoh hna lai.
Biathlam 12 chung i, 'nu' timi hi Bible hrilhfiahtu hna nih a phunphun he an tahchun hna. Cheukhat a kal sualmi lengmang hna nih cun 'keimah' ka si an ti i, cuticun minung tampi an hlen hna[1]. Asinain catialtu nih a herh lomi minung kong tampi chimnak caan a ngeih lo caah ‘nu’ a timi nih a chim duhmi cu ‘Israel miphun’ kha a si (rel chih ding Malachi 5). “Dal 12 naak hrimhrim ah Israel miphun kong a chimmi hi sullam a ngei zeicatiah Dal 12 lawng si loin Israel miphun phun 12 kong a tial chih”[2] tiah Pentecost nih cun a ti. Aa ton thiamnng nih sullam a langhter khun. “Nu cu nika kha aa hruk i, a ke tangah thlapa kha a um, cun a lu ah arfi hleihnih aa chinh hna. Nau kha a hring dengmang i, nau nganfah in a ia” (12: 1,2). ‘Arfi le thlapa’ nih an chim duhmi hi Joseph mangmanhmi he aa tlai.
Gen 37: 9-11 kan rel ahcun Joseph nih a ule sinah “nika le thlapa le arfi hleihnih ka hmai ah an kun’ tiah a rak chim hna. Joseph mang nih Biathlam 12: 1,2 naak hi a fianter ngai ko. ‘Nau kha a hring dengmang i, nau nganfah in a ia’ timi hi Israel harsatnak valte kha a si. Jesuh Khrih a phurtu le a kengtu cu Israel miphun an si i, Pathian nih miphun in a ser hna hlan in a siah a ser hnu ah a siah harsatnak phun kip an tong. Israel harsatnak hi minung bia nih a tlinh lo. Pathian miphun an si caah an him peng i a si. Cuticun a caan a phanh tikah cun Israel miphun chung a simi mi thiang Mary hmang in Jesuh Khrih cu hrin a si. ‘Nau’ a timi hi ahodah a si hnga timi kongah tampi ruahnak a um than hoi. Asinain al awk tha loin ‘nau’ nih a chim duhmi cu ‘Jesuh Khrih a chuah lainak kong a chimmi a si.[3]
Gen 37: 9-11 kan rel ahcun Joseph nih a ule sinah “nika le thlapa le arfi hleihnih ka hmai ah an kun’ tiah a rak chim hna. Joseph mang nih Biathlam 12: 1,2 naak hi a fianter ngai ko. ‘Nau kha a hring dengmang i, nau nganfah in a ia’ timi hi Israel harsatnak valte kha a si. Jesuh Khrih a phurtu le a kengtu cu Israel miphun an si i, Pathian nih miphun in a ser hna hlan in a siah a ser hnu ah a siah harsatnak phun kip an tong. Israel harsatnak hi minung bia nih a tlinh lo. Pathian miphun an si caah an him peng i a si. Cuticun a caan a phanh tikah cun Israel miphun chung a simi mi thiang Mary hmang in Jesuh Khrih cu hrin a si. ‘Nau’ a timi hi ahodah a si hnga timi kongah tampi ruahnak a um than hoi. Asinain al awk tha loin ‘nau’ nih a chim duhmi cu ‘Jesuh Khrih a chuah lainak kong a chimmi a si.[3]
“Cun van ah cun khuaruahhar a simi hmelchunhnak pakhat a lang than. Lu pasarih le ki pahrang a ngeimi a ngan ngaingaimi limkheng senpi a hung lang, a lu ah cun luchin pakhat cio an um” (v3). Dal 13 he aa lo i, Daniel 7:7-8, 24 he zong in aa lomi a si. Asinain kahin cun ‘saram’ si ti loin ‘limkheng senpi’ ti a si cang. Hi limkheng nih a ngeihmi le Antichrist nih a ngeihmi kha an i khat. Satan hi Pathian nawlcawn a hmangmi a si i, Pathian kha minung hmang in Jesuh Khrih in a chuak i, Satan zong minung (Antichrist) hmang in a chuak ve lai. Hi limkheng senpi nih hin Dal 13 naak i Saram kha a hman te lai i, Satan duhnak tlinter an i zuam te lai. Dal 13 i saram sullam cu minung (Antichrist) kha a chim duhmi a si i, 12: 2 hi cu Satan kha a chim duhmi a si.
Caang 9 naak ah cun fiang tein Satan tiah a hman cang. “A senmi limkheng’ ti duhnak cu thisen chuahmi/ lainawmgmi a sinak ziaza kha a ti duhnak a si”[4] tiah Walvoord nih cun a ti. ‘Satan nih hin Rome cozah (Antichrist) uknak pi hi a hriamnam bantukin a hman te lai”[5] tiah Scott nih cun a ti ve. Zeiruang ah dah Satan nih Antichrist hmang in Israel hi uk a duh te hna lai i, a hrem te hna lai timi kan zoh tikah Israel cu Pathian thimmi miphun an si i, Israel cungah nawlngeitu cu Pathian kha a si. Cucu Satan nih cuh a duh. Cuticun Satan nih Israel cungah nawlngeihnak kha Pathian a cuh te lai. Pathian tluk si a duhnak kha Israel uk a duhnak nih fiang tein a langhter.[6]
Caang 9 naak ah cun fiang tein Satan tiah a hman cang. “A senmi limkheng’ ti duhnak cu thisen chuahmi/ lainawmgmi a sinak ziaza kha a ti duhnak a si”[4] tiah Walvoord nih cun a ti. ‘Satan nih hin Rome cozah (Antichrist) uknak pi hi a hriamnam bantukin a hman te lai”[5] tiah Scott nih cun a ti ve. Zeiruang ah dah Satan nih Antichrist hmang in Israel hi uk a duh te hna lai i, a hrem te hna lai timi kan zoh tikah Israel cu Pathian thimmi miphun an si i, Israel cungah nawlngeitu cu Pathian kha a si. Cucu Satan nih cuh a duh. Cuticun Satan nih Israel cungah nawlngeihnak kha Pathian a cuh te lai. Pathian tluk si a duhnak kha Israel uk a duhnak nih fiang tein a langhter.[6]
Cuticun limkheng senpi nih cun “a mei in arfi cheukhat cheu thum cheukhat cu vancung cun a run kuaih hna i, vawlei ah a thlak hna. Nau a hring dengmang nu hmai ah cun a dir i, a fa kha a chuah cangka in ka ei lai ti a duh caah a si.” Isaiah 14: 12- 15; Ezk 28: 11- 19; Job 38: 4- 7 kan rel hna ahcun Satan nih Pathian doh duhnak lungthin a ngeihnak kan hmuh i, ‘arfi’ timi ah hin vancungmi ti zong in Job 38: 4-7; Isaiah 14: 12 ah cun a ti. Cucaah “Arfi cheu thum cheukhat a kuaih hna’ timi hi Satan zultu vancungmi a tinak a si ko”[7] tiah Thomas nih cun a ti.
Satan nih uktu hmang in ram hi a uk hna timi zong Daniel ah kan hmuh khawh. Persia uknak chan ah khan Persia siangpahrang kha Satan hmanmi a si. Daniel ton ding in Michael kha a ra i, lamkhamtu kha Persia siangpahrang a si (Daniel 10: 13). Satan le a zultu hna nih pennak ram tampi an ngei. Paul zong nih “kan dohmi hna cu minung kha si loin, vancung khua i, a ummi thlarau sual ṭhawnnak hna le uktu hna le nawl ngeitu hna le hi a muimi chan lianhngannak hna hi an si” a ti (Ephe 6: 12). Mark 5: 1-20 zong nih Satan zultu hna riantuannak a kan chim.
Satan nih uktu hmang in ram hi a uk hna timi zong Daniel ah kan hmuh khawh. Persia uknak chan ah khan Persia siangpahrang kha Satan hmanmi a si. Daniel ton ding in Michael kha a ra i, lamkhamtu kha Persia siangpahrang a si (Daniel 10: 13). Satan le a zultu hna nih pennak ram tampi an ngei. Paul zong nih “kan dohmi hna cu minung kha si loin, vancung khua i, a ummi thlarau sual ṭhawnnak hna le uktu hna le nawl ngeitu hna le hi a muimi chan lianhngannak hna hi an si” a ti (Ephe 6: 12). Mark 5: 1-20 zong nih Satan zultu hna riantuannak a kan chim.
‘Nau a chuah cangka in ei a duh” timi hi Satan nih Rome cozah hmang in Jesuh Khrih thah a duhnak kha a si. Herod nih khan Jesuh Khrih a chuah a theih ah khan thah ding in khua a khang. Herod cu Rome uknak tangah a ummi a si i, a chuahnak hritlai kan zoh tikah Esau tefa in a rami a si. Esau tefa le hna cu a zungzal in Jacob tefa hna he ral an si. Jesuh Khrih thah a duhnak in Bethlehem hngakchia vialte a thah dih hna (Matt 2: 16-18).
Biathlam 12: Israel Le Limkheng - Part II
-----------------------------------------
References:[1] Mathei Thomas, Revelation Simplified: Glimpse of Eternity, p. 183. J. Dwight Pentecost, Things To Come: A Study in Biblical Eschatology, p. 287.[2] J. Dwight Pentecost, Things To Come: A Study in Biblical Eschatology, p. 288.[3] I. Howard Marshall, New Testament Theology: Many Wittiness, One Gospel, p. 556. John F. Walvoord, The Revelation of Jesus Christ, p. 127.[4] John F. Walvoord, The Revelation of Jesus Christ, p. 128.[5] Walter Scott, Exposition of the Revelation of Jesus Christ, p. 250.[6] J. Dwight Pentecost, Things To Come: A Study in Biblical Eschatology, p. 286.[7] Mathew Thomas, Revelation Simplifid: Glimpse of Eternity, p. 187.