Kum thar January ah President thimmi Trump cu president biakam tuah ding a si. Hi ni ah hin Gay hlasak thiam Elton John cu hlasa ding in sawm a si tiah Trump president biakam tuahnak ding caah timhtuahtu minung pakhat nih a chim.
Trump biakamnak tuah ni i Elton John aa tel dingmi nih hin 'gay rights' dirhmun a thawnter ngai lai tiah an zumh. Trump le a cozah zong nih 'gay rights' an dirpi ko timi a langhternak zong a si lai an ti.
Hlasak thiam John nih National Mall ah hla a kan sakpiak lai tiah BBC ah Trump minung pakhat nih a chim. American president thimnak tuanbia ah 'gay rights a dir pimi Inn Raang an luh hi a voikhatnak a si lai tiah a chim chih.
Asinain Elton John biachimtu nu nih cun nithumni ah a hmaan lomi a si tiah fiang ko in a chim. President Trump biakamnak tuah ni ah JOhn nih a tel pi hna lai lo tiah Fran Curtis nih CNN ah e-mail in a kuat hna.
Elton John hi Trump a soisel ngaimi a si. March thla i Clinton fundraising tuah lioah a dirpitu a rak si. 'Candle In The Wind' timi hlasatu hi HIV/AIDS kongah biatak tein a aumi activist pakhat a si. Trump nih President a tuan ahcun vawleicung caah ka tihpiak tuk hna a rak ti. Ref: CNN.