American President thimnak a dih i zarh hnih hnuah President thimmi Donald Trump kong le a team a ser ning le timhtuahnak an ngeimi kongah Ameircan mipi nih zeitin dah an hmuh ning a si timi poll CNN nih an tuah.
American mipi tam deuh nih cun President thimmi Donadl Trump hi president tha a si lai an ti i, mi tlawm deuh nih cun Trump team ser ning kongah an lungtlin pi lonak an langhter tiah CNN Poll nih a langhter.
53% nih cun Trump hi president tha a si lai an ti i, 40% nih an chim thanmi cu economic zong a thatter deuh tiah an zumh. Campaign a tuah lioah tuah ding in aa timhmi zong tampi cu hlawhtlinnak a chuah pi lai timi zong tam deuh nih cun an zumh.
Cheuli ah cheuthum nih cun Obamacare zong hi a a hrawh than lo cun a thlen than lai an ti i, cheuthum ah cheuhnih nih NAFTA zong hi a ruah than te lai an ti. Atu hin cun economy zong a tha chin lengmang cang lai tiah 63% nih an zumh. Washington i ziknawh-eihmurnak zong tampi a thianh lai tiah 51% nih an zumh i, ISIS zong a tei lai tiah 50% nih an zumh, cun vampang zong a chon lai tiah 48% nih an zumh.
Trump nih kan ram ah thlennak a chuah pi lai tiah 66% nih a ti. Asinain 43% nih cun that lei thlen a si lai an ti i, 20% hrawng nih cun November 2008 i Obama nih a chuah thlennak kha a tha deuh lai an ti. American mipi nih Trump an uarnak a thang ngaingai. July ah khan 43% nih an aur i atu ahcun 47% ah a kai cang. 50% nih cun an uar rih lo.
President rian timhtuahnak an ngeihmi ah 46% nih cun Trump timhtuahnak a tha an ti lioah 45% nih cun an lungtlin pi lo. Asinain Obama, Bush le Clinton hna nak cun a niam deuh rih an ti. Foreign policy kongah cun 49% nih a zum lo i, 27% nih cun a tha ko lai tiah an zumh; 23% nih cun kan zumh ko nain zumh ngai cu a si lo an ti.
Hruaitu thim a thiam lai maw timi ah hin 33% nih cun a thiam lai an ti lioah 43% nih cun an zum tuk lo. Riantuan ti ding in aa thimmi minung an zoh hna tikah 32% nih cun Trump cungah zumhnak an ngei. Asinain 45% nih cun minung nih cun hruaitu thim a thiam lai tiah an zumh tuk lo.
Poll an tuahmi hi November 17 in 20 karlak ah minung 1,004 an halmi hna chung in a si. Ref: CNN.