Kawlram chungah state hleili (14) an um i, ramchung ah airport a ngei lomi cu Chin State lawng kan si. 1934 ah British cozah nih Falam, Surbung ah ser an rak timh, asinain 1942 i Japan ral ruangah ngol than a rak si. Asinain Ne Win cozah nih peh than a rak timh.
Falam khuami hna le pawngkam hna cu an lung a rak tho tuk i cozah leiin fehternak a um hlan hmanh in anmah tein tuan hram an rak thok, asinain 1968 ah India in Independence hmuh awk ah Mizo National Front raltho le Indian ralkap an i rak i doh i, Mizo ralkap cu Falam ah a rak phan i, ninga chung an cam.
Falam i Police station zong an rak khangh dih i, an rak hramh dih. Cu raungah cun Falam Airport a phan kho thai lo tiah zumh a rak si. Chan li a kal hnuah President Thein Sein cozah a vun kai. Politician nih cozah sinah an hal than hna i President thing Thein Sein nih Airport pek ding in a hnatlak pi than hna. Asinain a hmun ah cuhnak fak ngaiin cuhnak a um than caah fawite ah rian a kal kho ti lo.
An dai than i, Ministry of Transport leiin halnak a chuak than i April 2015 ah Parliament nih a hnatlak pi. Kyat 1 billion (1000,000,000) dih in sak ding tiah timhnak a um. Cucu kum 2015- 2016 karlak ah hin a si. Facebook ah Peter Ngun Za Cung nih a vun tialmi cu 'Surbung (Falam) airport caah Vice president, Pu Henry Van Thio nih (One Billion ) Kyats a pek cang i, Hluatdaw nih a fehter (comfirm) a a hau tiah thawng theih a si' a ti.
Caan sau pi chung aa hnuh hnuah a tangpar ah kan vun phan. Dawnkhantu a um ti lai lo tiah zumhnak zong a um.
1934 in Falam Surbung ah Airport sak ding in timhnak a rak ummi cu 2016 hnulei lawngah hlawhtlin dawh a vun si. Kawlram ah a thangcho lo bik tiah ruahmi le State hleili (14) chung Airport zong a ngei lomi Chin State nih hi bantuk thawngpang kan theih cu lung a tling tuk hringhran. Hi Airport nih kan Chin State muisam tampi a sersiam lai i a dawhter te lai. Ref: The Myanmar Times.