President thimmi Donald Trump nih teinak a hmuh tikah vawleicung hruaitu vialte an thinphang. Campaign a tuah lio i a biachim an ngaih cio tikah a hlan US hruaitu he aa dang cang lai tiah an ruah cio.
Asinain Sissi nih cun a thatnak in a hmuhpiak. Portuguese news agency LUSA nih biahalnak an tuahnak ah Egypt President Sissi nih a chimmi cu campaign a tuah lio biachim le ram a hruai taktak tik i a sining hi aa dang te lai tiah a chim. Kan thleidanpiak thiam ding a si tiah a chim chih.
President Abdel-Fattah el-Sissi nih a chim thanmi cu Trump biachim le a tuahsernak hi aa dang te lai. Cucaah kan ruahnak in biachim hi a tha lo; kan palh khomi a si. US kong a siah ramdang kong a siah a dangdang kong a siah a chimmi le a tuah taktakmi hi aa dang te lai tiah a chim.
January 20 ah President biakamnak a tuah in cun campagin ah a chimmi le a tuahmi aa dang te ko lai. A konglam kan theih deuhdeuh tik cun kan i fiang te ko hna lai a ti.
Sissi hi defence minister thing a si i, Islamist President Mohammed Morsi an chuah hnuah president ah thimmi a si. ISIS dohnak ah aa zuam ngaimi a si. Ref: TOI.