Tuan deuh thlah ah khan ralkap nih Turkey cozah thlak an timh i an tlorh diam. Turkey President Tayyip Erdogan nih ralkap le a lunghrinhmi paoh hna cu fak tuk in a tuahto hna.
Cu tikah EU leiin a siah ramdang leiin Turkey cozah cu na tuahsernak a tha lo tiah an rak mawhchiat. Cun Turkey nih European Union chungtel sinak a halmi zong ceihpiak duh loin an chiah.
Tuan deuh March thlah ah khan hnatlaknak an rak tuahmi cu Syrian refugee hi EU leiah luhter loin na khamh hna ahcun EU chungtel sinak hi kan in ruahpiak lai an ti. Greece tiang a phan cangmi hmanh kha refugee sinak theih p lomi paoh cu Turkey ah kuat than ding tiah hnatlaknak an tuah.
Asinain ralkap nih cozah lak an timh i, an tlorh ah khan Turkey cozah nih an tuahto ning hna a that lo ruangah EU nih an member ah chungtel sinak kong ceih pi an duh rih hna lonak a si.
Asinain Turkey President Erdogan nih EU cu ralrinnak a vun pek cang hna. EU nih kan kong nan kan ceihpiak lo ahcun EU leiah a tomtom in refugee kan rak luhter cang hna lai a vun ti hna.
A chimmi cu 'ka bia ngai u, hi hlei in karhlei nan lamh ahcun ramri kutkhar ka on cang lai' tiah ningani ah ralrinnak a chim. Atu tiang ah Turkey ah refugee a ummi hna hi million 3 an si i, million pakhat hi EU ah leiah an zam cang. Ref: CNN.