Kum 21 ka si cang i, campany ah riantuanmi ka si. Ka riantuannak ah a a virver i, a thluak tli ngaimi zong ka si. Ka boss pa nih a ka zohthla ngai tikah kan biaruah a thaw zungzal. Asinain caan zeimawzat a vun kal tikah ka riantuan ti hawi sinin kong ceihnak a chuak thluahmah.
Zei ti a tuah awk ka hngalh lo tikah ka boss pa thiamthiam sinah cun ka chim lengmang. Kan biaruah a thaw chin lengmang i, a dangdang in kan um lio zong ah phone in mesaage dong loin kan i kua cang. Kan i pehtlaih ning aa thleng chin lengmang leiah a panh.
Caan a vun kal chin lengmang tikah cun duhnak zong aa sem chin lengmang ve. A caancaan ah cun pumsa in pehtlaihnak zong kan vun ngei pah lengmang. Asinain ruah lo piin ngaknu dang he hamnak an tuah i, ka ruahchannak le ka vawlei vialte an rawk dih.
A ngaingai ti ahcun keimah ruangah a si. Ka boss nih cun hawikom bantukin a ka kawmh ko nain a duh hmasatu le a thok hmasatu cu keimah ka si. A ruah awk ka theih lo tikah ka chawn ti lai lo ka ti i, chonh loin ka um kho ti fawn lo. A ka chonh tik paoh ah kal loin ka um kho lo. Keimah le keimah tiang in kaa huat.
Ka chuak kho fawn ti lo. Ka rian zong ka thlah siang lo, cun kan i pehtlaihnak zong ka chat kho lo. Zaangfahnak tein ka bawmh u!
Dr. Ashima Pruthi: Lungthiang tein na chimmi cungah kan thangthat, asinain na kalnak lam hi a hmaan ti lo. Na boss pa hi na duh tuk ti ka theih, asinain pumsa ca le aa nuamhnak men caah an rak hmanmi kha naa theihter lo. Na lungthin nuamhnak men in na rak um ve.
Pakhat chim kan duhmi cu, na lung thawn a hau i, nan i pehtlaihnak na chah a hau. Na rian kal tak na sian lo caah na caah a tha bik cu duhnak tel lo hawikomh in na komh a hau cang. Hammi a ngeih cang tikah na pasal ding ah a lam a um ti lo. Ref: TOI.