US Secretary of State John Kerry nih 'hell kutkhar tiang kan dawi hna lai' a rak timi cu a tling chin lengmang cang. October thla khan Mosul lak ding in Iraq ralkap le an hawi le cu an tho i, a tu tiang ah 2,000 deng an thah cang hna.
Ralkap lei media le upa nih an chimmi cu zarhpini ah ISIS ralkap 126 kan thah hna an ti. Tapung dohnak leiah ralkap upa Abdel Wahab al-Saedi nih a chimmi cu 'al-kahera le al-Masaref peng ah ISIS 40 kan thah hna tiah a chim.
Defence Minister leiin an chim thanmi cu Mosul in thlanglei al-Masaed ah raltuknak vanlawng nih ISIS 54 a thah hna a ti. Raltuknak vanlawng nih a kahnak ah hin ISIS phurtu motor panga zong an rawk chih, cun ISIS raltuknak theng pahnih zong an rawk chih tiah a chim.
Zarhpini zing ah khan Iraq ralkap lei sungthoh nih an chimmi cu Iraq raltuknak vanlawng nih Mosul in nitlak leiah ISIS minug 32 a thah hna tiah a thanh ve. Mosul khuapi Nineveh cu ISIS kut in a luat dengmang cang.
Lam an phih dih cang tikah ISIS caah zamnak lam zong a um ti lo, cun Syria leiin an hawile nih rak bawmhnak lam zong a um ti lo. Ref: Iraq news.