Ningani ah ISIS nih mipi chung in minung 15 cu an tlaih hna i, kanmah dohtu le Iraq ralkap bawmtu le an caah thlithup ngiahlaitu nan si tiah an thah than hna. An thahmi hna hi mino deuh tete lawng an si.
Kum 20 hrawng lawng te minung an si. A thahnak hi Mohandessin sang ah a si i, meithal kaptu bu nih an kah hna tiah Iraq ralkap captain Hamad al-Ebeidi nih National Iraqi News ah a chim.
Ningani zanlei ah an khua ah an tlaih hna i mipi hmaiah meithal kaptu bu nih an kah hna. Inn pali zong bom an puah chih tiah a chim.
ISIS kut in Mosul lak an timh hnuah Iraq ralkap le an hawile nih ISIS nih mipi an thah hna i, an ruak an chiahnak thlaan tam ngai an hmuh cang. An thahmi kip hna video le hmanthlak tbk tiang in media kip ah an tar hna.
Zeitluk in dah tih an nun i an sual timi kha langhter peng an i tim. Ningani i minung 15 sual an puh hna i an thahmi hna zong hi mipi hmaiah an khup an bilter hna i, an hnulei in an kah hna. Ref: NIN News.