Nihnihni ah Iraq in chaklei peng ah IS nih mipi 40 cu phung nan buar tiah an kah than hna tiah UN nih a chim. Sang kip ah an pum hna cu electricity tung kip ah an thlai hna tiah Human Rights Commissioner nih a chim.
Minung pakhat cu mobile an hman ruangah an kah tiah report nih a chim. IS nih mobile hman hi an onh hna lo. A dangdang an thahmi hna zong hi cozah ralkap lei nan bawmh hna ti le phung nan buar ti ruangah a si.
Thah ding in an ruah cangmi hna cu Orange zawng angki an hrukter. Minung 20 zong thawngpang lengah nan chuahter tiah nithumni ah an kah rih hna. IS nih hin hngakchia tete an hman hna i mi thattu ah an hman hna. Nithumni ah video an chuah than i, sungthoh nan si tiah minung pali cu hngakchia an kahter hna.
November 6 ah IS nih an chimmi cu raltuknak a zam takmi kan ralkap 7 kan thah hna tiah an phuan.
IS kut in Mosul lak ding in Iarq security ralkap nih an i zuam cuahmah lio a si. Zarh li chung an doh cang hna. Khatlei in cozah lei ralkap nih mipi thahnawnnak an tuah tbk sualpuhnak zong a chuak pah. Hmanthlak khi IS umnak an lakmi a si.