Syria le Iraq i ISIS umnak inn le motor le hmun an kap tawnmi hna hi raltuknak vanlawng an si. Raltuknak vanlawng nih hin ISIS umnak inn le hmun an theih ruangah a kahmi hna a si lo.
Van sang pi ah khin U2 timi nih a sungthohpiak dih hmasa hna hnuah information a pekmi hna hoih in raltuknak vanlawng nih an kah tawnmi hna kha a si.
U2 Dragonlady vanlawng an timi a si i, van i a umnak a san le a niam hi pe 70,000 cungah a zuangmi an si. Mipi nih an i citmi vanlawng hi pe 30000 in 40000 karlak hrawng sang ah a zuangmi an si i, anmah hmanh hi a sang tuk ah kan ruah hna, asinain U2 hi a let in a sang ah a va zuang rih.
Cuticun ISIS umnak le inn kha hman a thlak hna i, a dohhlat hna. U2 aa citmi pawl nih an i hrukmi thilthuam hi space ah a kalmi hna nih an i hrukmi thilthuam bantuk a si ve. An i hrukmi thilthuam hi an kihter zungzal. An kihter lo ahcun a mongtu hna caah thih colh khawh a si, zeicatiah a linh hi celh a si lo an ti.
Iraq le Syria tbk ram i van sang tuk cungah um kha a linh celh a si lo. ISIS cawlcangh le umnak theih duh ahcun van sang taktak pe 70,000 cung tiang khin an zuang i, ISIS umnak le cawlcangh an vun kawl hna. 'ISIS umnak kan theih cangka in raltuknak vanlawng hna sinah information kan rak pek hna i, a herhmi paoh kha anmah nih an rak tuah' tiah Major Matt nih a chim.
U2 hi 1950 hrawngah rak hman cangmi a si, asinain atu i cu, chan thar thilri thatha a ngei cang. ISIS sungthohnak caah an tha tuk cang. ISIS an doh chung paoh cu kan hman ko lai tiah Captian Steven nih a chim. U2 pinah an hman ngai rihmi cu Drone hi a si. Drone zong hi van cungah 24 hours chung a um kho ve. ISIS kahnak le dothlatnak caah an hman i hlawhtlinnak tampi a chuah pitu a si ve. Ref: CNN.