Zarhpini ah Prime Minister office leiin 'raltuknak vanlawng F-35 hleisarih kan cawk than lai' tiah thawngthanhnak an tuah. An cawk dingmi hi a hnubik technology chuak thar in sermi a si i, a tha taktak an ti.
Israel security upa lei zong nih hnatlaknak an ngei. A dawng te cun F-35 raltuknak vanlawng 50 kan ngei cang lai tiah an chim chih. Cozah leiin a man zat an chim lo nain vanlawng pakhat ah hin $100 million hrawng a si lai an ti.
A chung thilri le zohkhanhnak ah a dih dingmi aa tel rih lo. F-35 hi Israel nih cun 'Adir' tiah an auh i a sullam cu 'khuaruahhar' or a 'thawngmi' ti a si. A ra laimi kan hmailei kum tampi chung cu F-35 nih Cunglei Kan Thazaang (Israel Air Force) cu a kan hruai cang lai an ti.
June ah khan Israel Defence Avigdor Liberman cu US ah a tlawng i an rak zohter. 2016 a dih hlanah pahnih cu an pek hna lai i, a dangdang hna cu hmai kum leiah an pek te hna lai. Israel nih F-35 cawk an timhmi cu an thazaang le an thil ti khawhnak an i zumh caah a si an ti.
US nih hin kum fatin in Israel ralkap bawmhnak caah $ 3 billion lengmang an pek hna. Tu kum ah US le Israel nih hnatlaknak an tuah thanmi cu 2028 tiang khi US nih $3.8 billion kum tin in an pek hna lai.
An bawmhmi hna hi American Defence Company ah hriamnam cawknak ah tam deuh cu an hman. Ref: TOI.