The Kingdom of Heaven le The Pirates of the Caribbean actor Orlando Bloom le muidawh minthang hlasak thiam Katy Perry cu naite ah khan rili kaam ah pawngkam um mitaunak hmanh tha loin an i kup i an rek nain atu ah zeidah a cang hoi?
Kan hnu zarh khan Bloom le Perry cu thla hra (10) an um ti hnuah an i then than tiah theih a si. An i then tiah biachokvai tlawmpal a um cangka in Orlando Bloom cu theih lomi ngaknu dawh ngai he Malibu i Soho House ah an um ti lio an hmuh than hna. Ahodah a si hnga an thei cio lo.
Neihniam in a theimi nih an chimmi cu 'Perry he kan i pehtlaihnak donghter ding in biachahnak ka ngei cang. Nupi ngeih ding le fa ngei ding in kaa tim kho rih lo' a ti tiah a chim. Asinain midang nih an chim ning ah cun keimah nih kan i pehtlaihnak ka donghtermi a si tiah Perry nih a chim.
Thla hra chung an i pehtlaihnak ah hmun khat ah vawleicung ah khual an tlawng ti i, caan an hmang ti. Asinain zeiruang ah dah an i then timi cu an chim lo. Bloom hi supermodel Miranda Kerr he an rak i um i fapa Flynn an rak ngei. Katy Perry zong British comedian Russel Brand he an rak i cang. Ref: The Sun.