Lady Gaga kan theih biknak cu a concert tuah ah hin a si. A nun ning taktak cu kan thei lo nain concert a tuah ah hin a thilpuan hrukeih kan huat dih. Hawi thilpuan hrukeih in aa eih lo pinah a cawlcangh ning hirmhrim khi mit a kem i, huat a tlau.
Muslim ram ah cun concert tuah an onh lo. Indonesia ah tuah a rak timh i sandah an piah tuk caah an cancelpiak than.
Tutan thimnak ah Clinton a sungh i Gaga biachimmi tete hna cu an tha i an tluangtlam ngai than. Thimnak ah khan a donghnak North Calrolina ah khan Clinton caah concert a tuahpiak i an lunghlai taktak.
Clinton thatnak le president caah a duhsaknak tam ngai a chim ve. Cu lakah "American mipi zawn a kan ruat taktakmi a si' a ti.
Trump nih North Carolina zong a lak chih dih. Result a vun chuah nithumni zingah Lady Gaga cu aa thawh i Trump Innsang pi pawngah sandah a piah colh ve. Hnom a phurmi motor nganpi cungah aa tlai i, 'Love Trumps Hates' timi sign aa tlaih.
Asinain a hnuah cun thazaang peknak bia a tweet than i, 'ruahchannak in a khahnak innkhan ah theih thiamthiam kan si te lai. Dawtnak, tluk ceo sinak le zaangfahnak caah dir hna u sih. Zeihmanh nih a kan kham kho lai lo' a ti.