A luan cia kum ah khan news kip ah a thawngpang a thang i a lar tukmi pa naite ah a vun lang than. Carlos Rodriguez 31, cu kan hnutla ah khan Miami ah lainawn timh ruang le mi dang thilri hrawh hrawngah an tlaih than.
Police nih an chimmi cu Rodrigue nih innchung ah minung pahnih ah an um lioah ihphah a khangh an ti i an tlaih. A hlan zong ah hlawhhlang hna kong le a dangdang kongah an rak tlaih cangmi a si. Misual- drug tawng phun a rak si.
A lu cunglei hi a cheubang lawng a si. Cheukhat nih cun a hmanthlak zohnak lawng cun an zum lo. A deu a si an ti. Asinain a deu a rak si lo. Drug a tawngmi a si tikah a rak i khawnmi a rak si.
Rodrigue nih a chimmi cu drug tongh pah in motor ka monghnak ah ka accident i kaa khawnmi a si. Accident ka ton ah hin motor hmailei thlalang in kak khawt i ka lu leiin ka tla. Cu ruangah hitihin mi hlun pa cu ka sinak a si a ti.
Operation an tuah ahhin a luruh cheu le a taksa lak hi an rak i herh ngaimi a si. Motor mongh pah in zudin le drug tongh pah cu a tha lo tiah youtube video in hngakchia ralrinnak a pek hna, asinain a pek cuahmah hna cu ritnak kuak cu aa chuah i a zuk pah. Ref: CNN.