Clinton le a campaign hawile nih thimnak result aa phuan an zoh cuahmah lioah President Obama nih phone in a rak chonh i, a sunghkhan na hau ko cang' a rak ti tiah The Hill Newspaper nih a chim.
Ningani ah report nih a chimmi cu Clinton a sungh zan ah khan President Obama nih Clinton cu a sunghkhang ko tiah a rak fial. Wisconsin, Machigan le Pennsylvania ah hin ruah lo piin thil aa thleng khomi a si tiin Clinton le a hawile cu ruahchannak ngan pi he vote rel kha an rak hngak hna.
Green Party nih vote rel than ding in atu hi an hal i, rel than ding an timhnak states hna an si.
Cu tikah Clinton nih ka sung ko cang tiah a sunghkhannak kha a rak si. Trump zong a rak chonh colh i sunghkhannak bia le conglawmhnak bia a rak chimh.
Obama nih Clinton kha rak chawn hlah seh law an relmi vote kha Clinton leiah aa chap chin lengmang cang tiah a theimi pakhat nih a chim. Wisconnsin tbk vote relnak kha rak thei taktak hna seh law a sungh an khang hrimhrim lai lo tiah a chim chih.
President Obama nih a vun i thlak tikah Clinton nih a sungh a khan i, zeihmanh a chim ti lo a ti 'Phone ka pe u' a ti i, thachia ngaiin 'Trumpp cu a chonh' a ti. Vote an rel than lai i, thil sining a thleng te lai maw thleng te lo dek! Ref: NYP.