India cozah nih 500 le 1000 note a thahmi ralchanh in november 23 (nithumni) ah Parliament lengah fak ngaiin dohtu party pawl sandah kan piah lai an ti. Nithumni ah Parliament i Gandhi Lem hmaiah MP 200 hrawng nih sandahpiah an i tim.
Parliament i Lok Sabha (Tangkhan) le Rajya Sabha (Cungkhan) ah chungtel a simi dohtu party hruai vialte tonnak an ngei i sandahpiah ding in biachahnak an tuahmi a si. Nikhatni zongah Rajya Sabha chungtel TMC zong sandah an piah hna.
West Bengahl Chief Minister Mamata Banerjee sandahpiahtu aa hruai ve hna i President Pranab Mukherjee an ton. PM Modi thangka thahmi hi na tlangtlak a hau tiah an va chimh. Dohtu an thawng chin lengmang hna.
Parliament zongah zei dang kong ceih rih loin Modi tangka thah kong kan ceih lai an ti. PM Modi zong nih parliament kan debate ah kan tel pi ve seh tiah tiah Lok Sabha i dohtu party lei hruaitu Mallikarjun Kharge nih a chim.
Congress vice president Rahul Gandhi zong dohtu party meeting aa tel ve. Nihin ah ATM ah aa tlaarmi hna sinah Rahul cu a kal i, mipi he biaruhnak a ngei. Mipi nih harsatnak an tonmi zeidah a si ti zong a hlat. Anand Parbat, Zakhira le Inderlok le Jahangirpuri tbk ATM hmun zong ah a kal. Ref: The Indian Express.