President Obama le Russia President Putin hi tuanbia an ngei pah cang. Lenglang in an i phomh lo nain an chung in an i rem lo kho tuk. An i ton caan kip ah hin an i rem lonak a langh lengmang i, a caan ahcun a zoh zong an chia tawn. Tutan zong an si thiam thiam!
Peru ah vawleicung hruaitu hna tonnak an ngei. Economic kong an ceih hna. Ton lo awk an that lo caah an i tong i, kuttlaihnak an ngei. Hmanthlak ah khan an kuttlaih kha hmuh khawh a si. Tha te zong in an i tlai lo i, an i zoh duh veve lo.
Syria ramchung buainak le ISIS kong an ceih dih hnu cun pakhat le pakhat zoh zong an i duh ti lo. Syria i ISIS kahnak kong an ceihmi zong a hlawhtling lo tiah Russia ambassador Alexander Yakovenko nih a chim. Putin nih President thim Donald Trump he ruahchannak a ngei. Trump he vawlei daihnaka caah rian kan tuan ti lai a ti.
Russian President press secretary Dmity Peskov nih a chimmi cu 'Ukrain kong an ceihmi zong that dawh a si lo. Kap hnih president in an hnabei a dong ngai' tiah a chim. President Obama caan a tangmi thla hnih chungah hin Syrian ramchung buainak kong hi an phisin awk a si tiah a chim chih.
Russia foreign minister Sergey Lavrov le US Secretary of State John Kerry zong dong loin an biaruahnak an pehzulh awk a si' tiah a chim chih. Inn Raang lei nih cun an i tonnak kong fiang tein zeihmanh an chim rih lo. Ref: The Sun.