Nikhatni ah President Donald Trump nih a Trump Tower ah Media hruaitu pawk a ton hna. Campaign lioah Media nih zeitluk in dah Trump an doh timi cu kan theih cio bantukin Trump-Media phu tonnak hi kan i hngahhlang cemmi pakhat a si.
An meeting ah aa telmi pakhat nih cun 'meithal puahtu phu bak an si ko' tiah a chim. CNN leiin an Chief Jeff Zucker a kal i, a hmasa bik ah a den hmasa. "Nan network hi ka huat tuk. CNN riantuantu hi nan zate in nan hrokhrol dih. Nan ning a zah awk a si' tiah a fak taktak in a phomh hna tiah a hmutu nih a chim chih.
'Kan meeting cu zatlakpuicimh taktak a si. Kan i ruahchanmi cu Trump team le cozah hi media dirhmun in zeitin dah kan ton khawh ning hna an si te lai timi ceihmai awk ah hlat maw kan kal kan ti i, a ziaza tawn bantukin phomh lehlam kan tong' a ti.
An zate in media leiin mi lianngan lawngte minung 30 in 40 karlak hrawng an si a ti. Trump nih a chim thanmi cu 'mi hrokhrol lawngte khan pakhat ah kan um ko hna hih. A dingfel lomi le lihchin lawngte' tiah a nolh cip lengmang a ti.
CNN leiin Jeff Zucker hrimhrim cu a min in a thlir i CNN hi mi lihchim nan i, nan network zong hi a hrokhrolmi a si a ti tiah a chim rih. NBC reporttu cu a min in a chim lo nain NBC news reporttu nu zong a palh tuk. Khuaruahhar network nan si. Clinton a sungh lioah a tap tiah Trump nih a tat bang ve hna.
New York Times leiin an i tel rua lo. NYT leiin Arthur Sulzberger nih nihnihni ah ton ding in timhnak a ngei tiah theih a si. CNN tluk tein NYT hi Trump a doh i, a soiselmi a si. An cei ve theo te lai. Ref: The Sun.