Ningani zan ah Vice President Mike Pence cu a fanu le an chungkhar zeimawzat he baisakawp zungah Hamilton Hlasa bu zoh hna ding in an kal ve. Mipi nih Mike Pence te an rat an theih hna tikah 'boo' aan ti hna.
Cun an puai a dongh leiah an hruaitu Brandon Victor Dixon nih stage cung in a rak chonh i, a timi cu 'America cu miphun kip umnak a si bantukin nan cozah nih a kan rungveng sual lai lo ti kan phang tuk. Atu kan piahmi drama nih hin American phung le lam cawisan ding in thazaang an pek lai timi kan zumh' a ti.
Nirukni zing ah President thimmi Donald Trump nih a theih tikah a timi hna cu 'vice president pakhat a si i, kan ram hruaitu ding zong a simi nan upat lo. Nan chonhbiak ning aa dawhcah lo. Ngaihthiam nan hal a hau' tiah Twitter nih a ti hna.
Asinain vice president Mike Pence nih zarhpini ah hitihin mipi sinah a chim, 'Hamilton hlasa bu nih ka thin nan ka hunter naisai lo. Stage cung in an ruahnak an ka chimhmi sawhsawh a si ko a ti hna. A chim thanmi cu 'Trump president tuannak ding zong ah nan thinphang hrimhrim hlah u. Teinak bia a chim lio zong ah pei a chim ko kha, mi vialte caah President ka si lai a ti ko khah teh!' tiah Pence nih a chim.
Cun a chim thanmi cu 'stage cung in kha bantuk biachim kha a hmaan maw hmaan lo, midang ruah awk ah ka chiah lai. A chimmi tu nih cun ka thin a ka hunter lo' tiah CBS News ah a chim. 'Asinain kan chimh than duhmi hna cu 'Trump cu mi vialte caah President a si lai' a ti. Ref: CBS News.