President Trump President cohlannak January 20, a thaizing 21 ah Washington ah nu nih lam zawhnak kan ngei lai an ti. 'Women March on Washington' tiah tlang an i tar. Tuan deuh ahcun Million Women March on D.C' an ti.
Nirukni tiang ah khan 44,000 hrawng nih kan kal lai an ti i, 121,000 leng nih kan duh ngai cio an ti. An hruaitu Fontaine Pearson nih phone in a chimmi cu lam kan zawh dingmi hi Trump kan dohnak zong a si lo; thimnak kan cohlan lonak zong a si lo a ti.
Asinain a chimmi cu kan zawh duhmi cu nu hna kongah a si lai i, nu kan him lonak le riantuannak ah thleidannak kan tonmi kongah a si lai a ti. Nu covo a dirpimi paoh tel khawh a si lai. Kan lam zawhnak hi state tiang nih a kan theih pi tuanvo an laknak ding caah a si tiah a chim chih.
Trump nih Inn Raang pi a conak nih sandahpiahnak a chuahter hnu in, hi timhnak an ngeih hi a si. 2005 lioah President Trump nih nu kongah bia dawhcah lo a chimmi cu campagin a tuah lioah a rak chuak i, fak ngaiin a campagin zong a hninhpiak. Mah ruangah khan nu nih hi timhnak an ngeih hi a si lai tiah zumh a si.
Hillary Clinton nih nu vote 54% a hmuh i, Trump nih 42 a hmuh.