United States ah State pakhat a simi Kentucky Uktu (Governor) Matt Bevin nih US President a tuanmi hna nih an rak chimmi le dirpimi charhchan in kum 2017 cu 'Bible Kum' a si lai tiah nikhatni ah a phuan.
President thing zong a si i, US President tuanbia ah philh khawh lomi minthang pacan pakhat a simi Abraham Lincoln cu laksawng ah Bible an rak pek i a rak chimmi cu 'Pathian nih minung sinah laksawng a pekmi vialte lakah a tha bikmi cu Bible a si' a ti tiah Matt nih a chim.
US President thing zong a si i, an rak uar tukmi Ronald Reagan nih a chim vemi cu 'American mipi a kan sersiam i, miphun vialte hna lakah minphun lianngan cem ah United States a kan sertu le hmual a kan ngeihter cemtu cu Bible a si' a ti tiah Matt nih a chim chih.
Ram pakhat dirhmun sersiamtu le cawisangtu cu Bible a si. US tuanbia zoh tikah an hruaitu hna le US ram dirhtu hna hi Bible a zum i, Bible a tlaihchanmi an si. Bible principle zoh chin lengmang in ram a hruaimi hna an si. A tangka in a siah an phunghram in a siah Bible muisam an cuanter zungzal.
Kentucky Uktu Matt Bevin nih a chimmi cu 'January 1 - 4 tiang hi state huap in Bible relnak kan ngei lai tiah a ti. Victory Christian Fellowship Pastor Mark Harrell nih a chimmi cu 'Bible relnak ah a kan hruaitu/uktu Matt le a chungkhar zong an i tel lai' tiah a chim. Zeitin dah rel ningcang a si lai timi cu an sersiam cuahmah lio a si. Ref: TCP.