America president thimnak ah tutan president thimnak tluk in a linhssat le buainak a um ti lai lo. Mipi zong President thimmi aa fian hlan chung paoh cu lungrethei in an um hna. Clinton tanh zong lungre a thei i, Trump tanhtu zong an lungre a thei. Asinain December 19 cun a fiang cang.
December 19, nikhatni ah Electoral College nih vote an thlahmi ah Trump nih 304 a hmuh i, Pi Clinton nih 227 an hmuh; zumhnak tlak lo timi 'faithless elector' 7 nih midang an vote hna. Vote pathum cu Secretary of state a rak tuan thingmi Colin Power sinah a kal. 1872 in atu tiangah atu tan hi zumh tlak lo (faithless) vote thla an tam cem a si.
President thing Bill Clinton zong a nupi Clinton a vote. New York kan umnak ah elector pakhat ka si bantukin Hillary Clinton ka vote mi leng in kaa lawmh a um ti lai lo a ti. Official tein Donald Trump cu January 20 in President biakamnak a tuah cang lai. January 6 ah Congress nih official tein fehternak an tuah ve lai.
President Donald Trump nih mipi sinah a chimmi cu 'kan ramchung million in riantuanmi nu le pa dihlak nih ka hnu in nan ka dirpi i, hlawhtlinnak kan hmu. Kan hmaile ni a tlaangmi kan zoh hna lai. American mipi vialte caah President ka si lai i, kan ram hmun khat teah kan fun lai' a ti.
A chim thanmi cu 'hmun khat te ah kan America hi kan liannganter than hna lai' a ti than. Vice President Mike Pence nih a chim vemi cu 'USA Electoral College vote thlaknak in nihin ah official tein vice president thim ka simi nih toi a ka doriter i, upatnak a ka pek' tiah lunglawmhnak a chim. Asinain trumpp a duh lomi Inn Raang pi hmaiah an i pum i, duh lonak an langhter than. Ref: CNN.