Elector vote thlaknak cu December 19 (nikhatni) ah a si cang lai. Trump nan kham lo ahcun kan in thah hna lai tiah a phunphun in thihpheihnak le hrocernak bia lawng a chuak cang. Phone in an chawnh hna, e-mail in an kuat hna, ca in an kuat hna.
Sharon Geise cu nithumni zing ah a vun tho i, e-mail ah 1,500 leng hrocernak le thihpehihnak a um. President thimmi Donald Trump na vote hrimhrim lai lo an ti. Sharon Geise nih 'atu le atu in an ka kuat lengmang. Thimnak khan a tu tiang ah 50,000 leng e-mail ka hmuh cang a ti.
'Ka Ipad cu hrocernak e-mail in an khahter. Delect cawk zong an si lo a ti. Asinain President thimmi Donald Trump ka dirkamhnak tu hi a thawng chin lengmang a ti. Trump an duh lo tuk timi cu a fiang, asinain a ka thleng kho lai lo. Keimah zong kaa thleng lai lo a ti. Amah lawng si loin a dangdang zong an tong cio hna.
Georgia, Idaho, Tennesses, Arizona, Utah le Michigan elector vialte hroncernak an tong dih. Geise bantukin Tennessee elector Patricia Allen zong nih an hrocernak vialte a chim ve. Thihpheihnak e-mail 2,000 ka hmuh i, cakuat 120 ka hmuh, phone chawnh hi dong loin ka dong. Trump vote hlah tiah a nawl in an ka nawl tiah a chim chih rih.
Allen 74 nih a lungthlen a tim ve ti lo. 'Hi bantukin ka tong bal lo. An e-mail delect ah sau tuk ka rau lengmang a ti. Michigan i Michael Banerian nih cun facebook he e-mail he, twitter he thah ding in an ka thihpheih a ti.
Atu tiang ah elector minun g 20 nih Trump kan vote lai lo an ti. Trump nih electoral vote a ngeih cangmi hi 306 a si i, Trump an thlak khawh lai timi cu ruah a har ngai rih. Ref: NYP.