Iraq in chaklei peng ah a ummi ISIS cu an thi chin lengmang cang hna. Nizan tihni ah khan Kurdish ralkap sinah ISIS minung pakhat Walid Ismail 20 cu amah tein aa ap. Mosul pawng Bashiq khua i inn chung in a kut thlir buin a rak chuak.
"Ka tih hlah u, bom kaa ken lo' tiah ther plengmang in a rak chuak i, aa tlaihter hna. Ismail nih a chimmi cu 'unau paruk ka ngei i zohkhanh kaa harh tuk hna caah tangka duh ah IS ah ka tlakmi a si. Thla khat ah $ 320 an ka pek i, meithal nganpi an ka tlaihter i lam an ka conghter tiah a chim.
ISIS hruaitu Abu Bakr al-Baghdad kong zong rumra ngei ngai ding le awnem ngai phun in a chim. ISIS hi an thlithup tuk. An hruaitu an runven ning hna le an zohkhanh ning hna zong a tha tuk a ti. Kan hruaitu hi ahodah an si ti zong kan thei hna lo. A biapimi hmun tbk hrimhrim ah umter an kan duh lo tiah a chim.
ISIS sin ka um deuh tikah an ka deuh chin lengmang. Soisel le thangchiat zong an duh lo. ISIS pakhat nih phung buar in kuak a zumi a pa kha 'hi hnuah na zuk than ahcun fung tuk na si lai' a ti tiah a chim. Pa le fa karlak hmanh ah theihthiam a um lo a ti.
Atu hi Kurdish ralkap kut ah a um lio a si. A kong an ceih te lai. Na chungkhar sinah biacah na duhmi a um maw tiah an hal i, Ismail nih 'lungsau tein rak um ko u. Pathian nih a rem a ti ahcun ka rak kir kho te ko lai' tiah bia a cah hna. Ref: The Sun.