Arakan raltho le Kawl ralkap biatak tein nai hrawng cu an i kap i, Kawl ralkap 10 kan thah hna i tam ngai kan hliamh hna tiah nikhatni ah khan an chim. November le December chung cu kan i kap ngai. Kan ralkap pakhat a thi i, pakhat an hliamh ve tiah an chim chih.
Nikhatni ah AA soldiers of Infantry Unit 314, Brigade 3 le Paletwa Township, Chin State ah a ummi Kawl ralkap battlion he voithum kan i kap. Aa hliammi cu kan um lo tiah AA lei nih an chim. Kawl ralkap nih Palettwa khuami minung 20 an tlaih hna i, AA nan si tiah an lunghrinh hna, asinain AA nih cun thinghlam an si an ti.
November thla chungah an rak i kap i, Kawl ralkap lei nih ningcang loin miakpi in an kah len hna. Khuami hna cu an thinphang tuk i an kan khen sual lai tiah minung 200 leng an zam hna. Ei ding a siah thilpuan si seh kanmah nih kan bawmh hna tiah AA raltho nih nikhatni ah an chim.
AA raltho zong an lungretheih ngaimi cu kan i kah lengmang lai caah ralzam zong an tam chin lengmang khomi a si an ti. December thla cu a kik tuk i ralzam hna caah a fawi lo. Ralzam hna hi a si khawh chung in ei ding, thilpuan le puan tbk nan bawmh hna lai tiah kan mipi zong kan forhfial hna an ti. United League of Arakan (ULA) sinah hin bawmhchanhnak nan pek hna lai an ti hna.
Anmah nih an tawlrel lai i a herh ning in an bawmh hna lai an ti. Arakan State, Chin State in thlanglei, Rathedaung, Buthidaung, Ponnagyun, Kyauktaw, le Paletwa khua tbk hna ah Kawl ralkap nih an ralkap an vun thlah chin lengmang hna. Kawl ralkap chuah-luh le cawlcangh tha tein nan zoh hna lai i, ralring tein nan um lai tiah mipi zong AA nih ralrinnak an pek hna. Ref: The Irrawady.