Muidawh tawk tha Kim Kardashian cu a hawile he nuam taktak in party an ngei, asinain a a kut an zoh tikah Kanye West he an i thiumnak kutdong hrolh a um ti lo tiah a hawile nih an chim. US Reality Star Kim 36 le a pasal West pehtlaihnak cu a dong ko cang tiah an hawile nih an chim.
Kim hawi pakhat nih a chimmi cu 'a pasal West cu kan chungkhar Christmas hmannak ah kan tel pi hlah tiah Kim nih a ti' tiah a chim. Nirukni zan Christmas party ahcun a kutdong ah an i thitumnam kuthrolh a um ti lo tiah a chim chih. Christmas party an hmannak ah a nu le a unau rual an tling.
Kanye West 39 zong a hawile he baisakawp (cinema) an zoh. Asinain an Christmas party hmannak a donglei ah a rak lang than ve tiah a chim chih. 'Asinain Kim nih zeihmanh ah a rel ti lo. Kum hnih chung an i um tinak cu a dih ko cang' tiah a chim than.
Chungkhar lei kong a theimi nih a chimmi cu 'Kim nih a nu caah Christmas party a tuahpiaknak ah Kanye West telter a duh lo. Atu lawng hi ka sam a voikhatnak kaa thlak khawh a si' a ti tiah a chim. Hmun khat ah a umter khotu cu an fale lawng a si. A tuanh le a tlai lawng a si ko.
Kanye nih Kim a nu zong Christmas zing ah a um pi. A thatnak in thil kal seh ti a duh ko, asinain hmun khat ah an um ti khawh caan cun a fale zawn lawng ah a si cang lai. A rau lem ti lai lo. Paris ah meithal hmuah chih in an thil mansung an firpiak hnu le Kanye West sizung a phak hnu cun an konglam a tluang ti lo.
Kanye a dam kaa te ah khan President thimmi Donald Trump ton ding in New York a zawn hnu cun Kim a thinhun a dam kho ti lo. Kanye nih Trump a tonmi hi Kim mithmuh ah a rak rem lo tuk. Kim nih kal lo ding a ti ko buin Kanye nih a kal chih. An then i ahcun £145million hi aa cuh ding dirhmun ah an um tiah Forbes nih a tial. Ref: The Sun.