A bike an firpiakmi kum 5 hngakchia pa Alex nih mifir sinah cakuat a tial. An chungkhar in zoo ah an len karlak ah a pa bike he amah bike he mifir nih a rak firpiak hna. A lungrawk tuk i, a mitthli he mifir cu a tanglei bantukin ca a kuat hna.
'Zaangfahnak tein nan thilri a si lomi cu kan firpiak ti hlah u. Kan thilri nan kan firpiakmi nih hngakchia cu kan ngaih a kan chiatter i a kan tahter' tiah a nawl hna. A bike an firpiakmi nih a thin zong a phanter i, zan zong it kho loin a tuah.
Kan inn ah an ra than lai i, a kan firpiak lengmang lai a ti i, cakuat a tialnak a si. 'Keimah ka ton bantukin hngakchia dangdang nih an ton i, an ngaihchiat lonak ding ah zaangfahnak tein nan thilri a si lomi firpiak hmang ti hlah u' a ti. A chim chihmi cu 'hi Christmas ah cun that i zuam u law fir ti hlah u' a ti.
Alex nu nih a chimmi cu 'Christmas card cungah cakuat a tialmi nih tampi a bawmh. Mifir nih an zia an thinh deuh lai i, keimah bantukin hngakchia dangdang zong nih an ton ve lonak ding ah ka tuahmi a si a ti i, a hnangam deuh a ti.
Police leiin commissioner David Keane nih a chimmi cu 'mifir nih hi card an rel ahcun Alex biafang nih tampi khua a ruahter hna lai. Midang nunnak hrawk tu si loin community chungtel tha an si lai tiah ka zumh. Alex nih a tonmi a kan hrawmhmi cungah kaa lawm tuk' a ti. RefL: The Mirror.