2011 ah North Korea hruaitu nawlngeihnak a tlaih hnu in North Korean hruaitu dictator Kim Jong Un nih minung 300 leng a thah cang hna tiah report thar a chuak. Ramchung nawlngeihnak tlaih hram aa thok in a nawlngeihnak fehter duh ah dawnkhaantu a si lai tiah ruahmi le lunghrinhmi a thahmi an tam ngai cang.
A thahmi hna chungah hin ramchung senior officer le ralkap upa chung le Korean Worker Party chung in an si hna. '2011 in cun sualnak le hrannak hi biatak tein a langhter' tiah RAND Corporation Senior Defense Analyst Bruce Bennett nih CNN ah a chim. Kum ngai chung N. Korea a hruainak ah North Korea defence minister panga a hloh cang hna.
A pa nih a rak hruai lio hna ah kum 17 chung ah defence minister voithum a thlen. Minung pahnih cu tar thih in a thimi an si tiah a chim chih. Tu kum hramthok hrawngah khan Education Official Kim Yong Jin zong a thah. Meithal in a kahter hna. May 2015 ah khan defence minister Hyon Yong Chol cu mipi hmaiah vanlawng kahnak meithal in a kahter hna.
Bennett nih a chimmi cu 'a pum zong aa thenthek dih lai' a ti. A chim thanmi cu 'a chungkhar nih zoh ve hna seh a ti i, a chungkhar zong an pa thahnak ah a chuahter hna' tiah a chim than. 2013 ah khan a pu zong cozah thlak na timh, leirawitu na si tiin sual an puh i a rak thah. 'Ka caah ral a si ko tiah a ruahmi hna cung kip ah a hrang taktakmi a si' tiah Hawaii Pacific University professor Seung-Kyun Ko nih CNN ah a chim.
'Kim Jong II fapa a si ruangah a hngakchiat in a rawk cangmi a si. Chimhringtu le tlangtlatu a rak ngeih lo tikah a rawk i, sual cikcek tein a sual cang. Hruaitu thawng si duh tuk ruangah hi bantuk dirhmun tiang a phaknak a si. Boss ka si ti langhter a duh pengmi a s' tiah a chim chih. Ref: CNN