Nuva karlak ah hin thil biapi ngaimi zeimawzat an um hna. Duhnak zong nuva karlak pehtlaihnak ah a rak herh tuk i, dawtnak zong a herh tuk i, theihthiam zong a herh tuk i, taksa (sex) lei pehtlaihnak zong a rak herh tuk.
Pasal santlai lo tiah an ti tawnmi hna kha sex kongah hin a si tawn. Pasal le nunnak ah sex life a um lo ahcun nupi le zong an nun a tling lo bantuk ah a um tawn. Nuva karlak ah dawtnak le duhnak a herh tluk tein a thawngmi pumsa hrawm ti pehtlaihnak zong a rak herh ve.
Asiain pumsa pehtlaihnak ah hin pasal le an biapi ngai i zeidah an herhmi a si ti hi theih lengmang an hau. A caan ah cun pumsa diriamhnak kongah an thazaang a um lo caan zong a um. Pasal le nun ah sex life a um lo tikah nupi le zong an rak har ve. Nupi le pasal karlak ah a thawngmi sex life hi umter lengmang a herh ngaingai.
Asinain zeitin dah sex duhnak thisak hi kan thawnter than lengmang lai timi hi research tuahtu hna nih an hmuhmi cu hitihin an si: Orange hi a tha ngaimi a si an ti; thisen kal-um ning a tluanter i, sex duhnak a thawntertu ngai a si tiah an hmuh.
Hneksanak an tuahmi ah cun orange hang hrai hnih cio an dinter hna i an thisen kal-um ning aa thleng colh i, an i dang colh tiah an hmuh. Cun khatlei in sex thazaang dertertu hi lungdernak zong in a si an ti. Lungder thawnternak caah cun Vitamin C hi a tha fawn an ti. Minung hi kan lungthin le kan ruahnak a der cang ah cun kan thasak zong ah a lang colhmi a si.
German research tu hna nih minung 120 an hneksak hna i, Vitamin C cu an pek cio hna i, an hnuah an chimmi cu Vitamin C kan ei hnu cun kan lungthin dernak aa ning ngaingai an ti. Cun orange hi pasal le ca lawng ah thathnemnak ngeih loin nupi le ca tiangzong ah a rak tha tuk ti an hmuh rih.
Naupawi a duhmi paoh nih cun orange hang hi an din lengmang ding a si. Nau inn thazaang zong a thawnter i, naupawi ning zong a thatter ngaingai an ti. Sex thawnnak caah orange lawng si loin arti, almond le vitamin E tbk zong an rak tha tuk. Ref: The Express.