Minthang ngai a simi hlasak thiam George Micheal 53 cu Christmas ni ah a thi. A thihnak ruang hi a lung rian a tuan ti lo (heart failure) ti a si. Vawleicung ram kip in hawikawm le fan kip nih ngaihchiatnak hrawm pinak bia an rak tial cio.
American actress minthang mudawh Sarah Michelle Gellar zong twitter in a rak tial ve, asinain a hnu ah a rannak in a delect than. A fan hna sinah George Micheal a thih cu ka ngaihchiat tuk ve tiah a rak tial than. Sarah nih Voice Uk biaceihtu Boy George ah a rak ruah diam!
Sarah nih a twitter ah a tialmi cu 'ka ngaihchiater na ka duh taktak ko maw? Na duh taktak ko tiah ka zumh 2016 #RIP Boy George. Na fan hna tampi lakah an uar tukmi pakhat ka si ve' tiah a tial. Sarah fan nih a twitter an hmuh tikah aa palh timi an theihpiak colh i, an rak chimh.
Cu hnu lawng cun Sarah nih a palhnak aa theih i a rannak in a twitter cu a delect than. A dang a vun tialmi cu 'a hmaanmi thawngpang ka theih cun ka ngaihchia tuk RIP George Micheal' tiah a thlen than. 'Ka palhnak a ka remhpiakmi nan dih lak cungah kaa lawm tuk. Ka ngaihchiat pi hna' a ti.
George Micheal a thihnak nih a chungkhar le a hawile vialte an ngaihchiatter dih hna. Cheukhat nih cun a lung aa din an ti. Caan saupi Micheal manager a simi zong nih a lungthin dinh ruangah a si ko tiah a chim. Ref: The Sun.