Taluk nih Taiwan leiah a raltuknak ralkap tilawng lianlian cu a thlah hna. Thlanglei Taluk Rili (South China Sea) ah kan thlah tawnmi hna an si tiah Taluk nih cun a chim, asinain Taluk le Taiwan karlak entainak a linsa chin lengmang lai tiah zumh a si.
Taluk raltuknak vanlawng phurtu ralkap tilawng 'Liaoning' le tilawng dang 5 hna cu Taiwan in tlanglei rili ah an rak phan hna. Taiwan le Philippines karlak Bashi Channel in tlanglei ah an rak ra. Taiwan rili Pratas Island zong a rak tan pah.
Taiwan leiin upadi sertu Johnny Chiang nih a chimmi cu 'Taluk cawlcangh nih a langtermi cu US zei ka rel lo a ti duhnak a si. Japan le Taiwan a pehtlaitu rili a tanpiak hna a ti. 'Taluk raltuknak tilawng nih Nichuah leikam rili zong ah a phan than lai; a tuanh le a tlau lawng a s lai' tiah Taluk state media nganbik Global Times nih a tial.
A tial chih rihmi cu 'Taltuk raltuknak tilawng nih US hmun rili kam a phak tikah cun ralkap phunglam kongah ruahnak a linhsatter cang lai' a ti. Japan zong nih 'Taluk raltuknak tilawng kan hmuh hna' tiah zarhpini ah a chim.
President thimmi Donald Trump le Taiwan president Tsai phone chawnh hnu cun Taluk le US karlak pehtlaihnak a linhsatter i, Taluk le Taiwan karlak pehtlaihnak zong a linhsatter. Japan nih Taluk cawlcangh hi a herh ning kan zoh lai a ti ve. Kan hnu kum december ah khan raltuknak tilawng kan ser cuahmah lio a si tiah Taluk defencee ministry nih an chim.Ref: The sun.