Donald Trump president a tlinmi hi a sawhsawh a si hrim lai lo. A cang sualmi zong a si lai lo.
A riantuan bawmtu ah a thimmi hrimhrim hna nunnak zong zoh tikah Khrihfami zumtu tha lawng te an si. A tanglei ah minung panga (5) a thimmi hna min kan vun langhter i, Khrihfami zumtu tha an sinak zong tawite in kan langhter chih.
A riantuan bawmtu ah a thimmi hrimhrim hna nunnak zong zoh tikah Khrihfami zumtu tha lawng te an si. A tanglei ah minung panga (5) a thimmi hna min kan vun langhter i, Khrihfami zumtu tha an sinak zong tawite in kan langhter chih.
Mike Pence (Indiana Uktu)
President Donald Trump nih Vice President caah a thimmi a si. An uar ngaimi politician tha ngai pakhat zong a si i, Khrihfa zumtu tha taktak zong a si. A zumhnak raltha le fiang tein a chim lengmang i, zumh tlak taktak pasal tha zong a si. Khawika hmun a dirnak le a umnak poah ah 'Khrihfa ka si, conservative ka si, cun Republican ka si' tiah fiang ko in a chim lengmang.
Catholic Khrihfabu in a thangmi a si. Jesuh Khrih ah a nunnak aa pemi a si i, atu cu The College Park Church ah an i pum. Evangelican Khrifabu thawng ngai an si.
Betsy DeVos
Education Department hruai ding in President Donald Trump nih a thimmi cu a si i, Betsy DeVos hi Khrihfa zumtu tha ngai a si. American Education System hi a zumhnak hrambunh in hruai aa tim i, a zumhnak mission bantukin a ruatmi a si. Betsy DeVos nih a chimmi cu 'kan zatlangnun (culture) chung kan umnak hi Pathian pennak lamsialtu ah kan hman awk a si a ti.
Jeff Sessions
Alabama in Senator a si i, National Chief Law Enforcement officer caah President Trump nih a thim. A Khrihfabu Ashland Place United Methodist Church ah Khrihfa upa hruaitu zong a si i, Church School saya a si. Khrihfabu Administrative Board ah chairman zong a tuanmi a si. Mipem kongah Trump bantukin ruahnak a ngeimi a si i, tha tein hlathlainak tuahmi lawng US ah kan luhter hna lai a timi a si.
Ben Carson, Dr.
Secretary of the Department of Housing and Urban Development caah Trump nih a thimmi a si. Seventh-Day Adventist a si i, a chimmi cu 'Khrihfabu kan umnak hi biapi ah ka ruat lo. Seventh-Day Adventist ah a tlawm-tam ka um tluk tein bu dangdang zong ah ka um ko. Asinain Pathian he kan i pehtlaihnak hi a biapi cemmi a si a ti.
2008 ah caancer a rak ngeih hnu in a zumhnak a fek chin lengmang. Biahalnak an tuah lioah cancer a ngeih lio i a thlacamnak a chimmi cu 'Bawipa, ka thih caan a zat ahcun ka caah a tha bik tiah na ruah caah a si lai. Keimah nih cun thih cu ka duh rih lo. Asinain a caan a za cang na ti ahcun a poi fawn lo. Kan bochan ko' tiah a thlacamnak a chim.
Rick Perry (Texas Governor)
Department of Energy hruaitu ah President Trump nih a thim. President thing George W. Bush aa pumh tawnnak United Methodist Church ah aa pum vemi a si i, Texas uktu a tuan in Lake Hills Church ah aa pum cang. Thlacam pumhnak le rawlulh thlacamnak ah aa tel lengmang tawnmi a si. US uktu upa zong a sawm tawntu a si.
Thlacam pumh lioah a chimmi cu 'atu hi America nih harsatnak kan tong cang. Tangka leiba kan ngei, kokek harsatnak nih a kan den lengmang cang pinah tapung kut in kan him ti lo' tiah forhfialnak ah a chim. A chim thanmi cu 'ram pakhat kan si bantukin hi bantuk caan ah hin hmun khat ah ka rat ti hna i, Jesuh Khrih kan sawm a hau. Zalonnak le thluahchuahnak tam tuk a kan pekmi cungah kan lawmh zungzal awk a si' tiah a chim.