Campaign an tuah lio ahcun Presdient Obama he a nupi First lady Michelle he fak ngaiin Trump an soisel. Asinain biahalnak an tuah ahcun a ra dingmi President hi ka dir pi ko tiah a chim. Ahodah Inn Raang ah a lut lai timi kha a biapi ah kan ruahmi a si lo tiah nikhatni ah a chim.
Kan ram ngandamnak le tluang tein cozah thlennak a umnak ding kha biapi ah kan ruahmi a si tiah biahaltu Oprah Winfrey sinah Michelle Obama nih nikhatni ah a chim. President Donald Trump caah a herh ning in kan bawmh lai. Presdient thimmi Trump a hlawhtlin ahcun kan zapi hlawhtlin a si tiah a chim than.
President thimnak vote an thlak dih hnu i, vote an rel dih khawh ah khan Trump le First Lady a si laimi Melania cu Inn Raang ah an leng. Michelle he caan zeimawzat biaruahnak an ngei i, a herh ning bawmh ding in Michelle nih a rak kamh.
'Kahin na phanh hlanah cun na theih lomi hi na thei rih lai lo' tiah ruahnak ka pek tiah Michelle nih a chim. 'Nan caah kutkhar aa ong peng ko' ka ti tiah a chim chih. 'Ka chimh bantukin Laura Bush nih a rak ka chimh ve' a ti. President thing George W. Bush president a tuan i, rian thlen lai ah khan Laura Bush nih Michelle Obama zong ruahnak a rak pek.
Michelle Obama nih a chim thanmi cu 'an hlawhtlinnak ding ah a herhmi bawmh ding paoh cu kan bawmh ko hna lai. Melania zong ka chimh dih cangmi a si' tiah bia an halnak a chim. Ref: CNN.