Andrew Hall cu riantuan ding in aa tim pah cuahmah cang. Vape timi kuak (cigartte) aa zuk pah i, nuam ngaiin a um lioah ruah lo piin a puak ciammam i fak tuk in a hmai hrawng le a ka chung vialte cu a hliamh dih. A puah hnawh ning a fah ngai caah a rannak in ICU ah an tlik pi i, that lei a panh cang.
A puah ning a fah ngai caah a ha pasarih an choi, a hmai hi 2 degree a kaang chih fawn. A kaa chung tiang ah hnawmtam phunphun an lut i, doctor nih an thianhpiak dih. A puahnak pawngkam i vampang le ceiling tiang an nak dih. A ihkhun cung in a facebook ah Hall nih ca rak tialmi cu 'riantuan ding in kaa tim cang. Ka ruah lo piin a cangmi a si' a ti.
A tial thanmi cu 'ka tuah lo dingmi ka tuah hrimhrim lo. Ka cawk lio ning tein ka hmanmi a si. Battery zong a hmaan ko. Ka cawknak nih ruahnak an ka chimh ning tein ka hman fawn ko. Asinain ka hmaiah a ka puah diam' a ti. 'Vape hi ka hmang naisai ti lai lo. A hmangmi hna zong nih hman ti lo ding in ruat than cio hna seh law ka duh' tiah ralrinnak a tial chih.
'Atu hi ICU ah ka um lio a si. Ka tha ngai cang. Hi hmaanthlak hna hi a hmanmi an si' tiah a tial chih. Vape timi kuak phun khat a si. Seh he aa pehtlaimi kuak a si. A pipe a um i, an dawp i a meikhu a chuak ve. A phunphun an um. Hall lawng si loin a dangdang zong harnak a tong len cangmi an um. 'A puah hnawh cangmi hna cu an hmaiah meithal kah bantukin an um tiah sizung lei doctor pakhat nih a chim. Ref: The sun.