Nuamhseihnak a tuahtu (Prankster/Internet joker) Chris Monroe nih a ngaknu cu hlen ding in a timh. A ngaknu hawinu cu a ihkhun cungah a rak i ih pi i, a darling bantukin ihkhun cungah cun an rak um i, a ngaknu inn tin lai cu an rak hngak, asinain a ngaknu cung lehlam ah fak tuk in a thinhung than.
Chris nih a ruahmi cu a ngaknu (Nicole) hawinu ihkhun cungah ka ih pi lai i, riantuannak in a rak tin tikah kan poh te lai tiah an i tim. Nicole hawinu Pal Zarina zong a thilpuan aa phoih dih ve i, sexy ngaiin a ngaknu bantuk cun a um ve.
Ihkhun cungah ah cun ngaknu-tlangval ih te cun an rak it i, Nicole tin lai an i ngaih tuk. Asinain Nicole zong timhnak dang a rak ngei ve. Tlangval dang he inn ah cun a rak tin. Kutkhar cun an vun on i an rak lut. Chris le Zarina zong cu ihkhun cungah taklawng dengdeng in an rak it ve. Asinain Nicole le a hawipa an rak luh.
Tlangval dang a ngeimi ah a ruah i Chris cu a thinhung kho tuk cang. A ngaknu hlen a timhnak capo vialte an tlau colh dih. Nuamhseihnak hrimhrim a lungchung ah a um kho ti lo. Thinhunnak tu in a khat lehlam cang. Inn chung thilri zong khuai dih le hmel dih a timh hna.
'Na hawinu he kan in capomi pei a si ko' tiah Chris nih a au hnawh len. Nicole nih 'kan duh ko. Kan capomi pei a si ve ko' tiah a lem than. Nicole nih a rak i tin pimi pa zong cu Zarina tlangval pa Shane a rak si ve. Inn chung thilri a buai dih hnuah a lungfiang than i, a lu aa dawmh i, 'Oh my God' tiah a thinhung vialte a dam dih than. Ref: The sun.