Kum 28 ka si cang i, pasal ka ngei rih lo. IT Industry ah kum 15 chung rian ka tuan cang i, US ah ka um lio a si. Ka pa hi a lung a that lo caah pasal ka ngei kho lo. Kum 22 ka si in rian ka tuan cang. Ka chungkhar zohkhanhnak zong ka lian cungah a tla.
Ka pa hi biatak tein zoh le cawmken a hauh tikah ka lahkhah vialte cu ka chungkhar zohkhanhnak ah a kal lengmang. Ka unau dang nih kan chungkhar kong an zoh duh lo. Ka pasal ca zong ah ahohmanh nih an ka kawlpiak lo. Pasal hi ngei taktak ning law aho nih dah ka pa a zohkhanh lai.
Pasal ka kawlnak hi a sau cang, asinain atu tiang pasal ka ngei kho rih lo. 2010 ah ka pa a thi i 2011 ah US ah ka rak phan. Tlangval ka hmuh pah len hna nain pumsa le tangka lawng a duhmi an si. Ka hmuhmi tlangval zong hi Aishwarya Rai bantuk aa dawhmi lawng an duh fawn hna. Keimah nih le Aishwarya tluk in kaa dawh lo tikah pasal ka ngei kho lo.
Zaangfahnak in ka hmailei kongah ruahnak ka pe ve u.
Lehnak: Atu na chimmi hi nu nih an ton ngaimi thil a si. Nu tampi nangmah bantuk hi pasal ngei kho loin an um hna. A caan te ah pasal ngeih khawh lo hi cheukhat caah cun hnabeidonghnak zong a chuak i, lungretheihnak zong a chuak. Ruahnak pek kan duhmi cu na lungdong hlah. Chungkhar na ser khawhnak ding ah tlangval he pehtlaihnak ngeih naa zuam a herh.
Na hawile an siah na chungkhar an siah pasal ngeih na duhnak chim hna law an in bawmh lai. A caan ah cun kan lam hi a pit tawn i, kan ruahnak zong a dong tawn. Sihmanhsehlaw kau piin i awng than law ruahchannak le raltha in hmailei ah karhlang chin lengmang ko. Ref: TOI.