Bawlung chuih thiam zong a si i, aa dawh fawn i, a min zong a thang i, midang cungah zaangfah-dawtnak zong a ngei tukmi David Beckam nih a nupi Victoria he an i thitum biakamnak an thar in an tharchuah thannak a phuan.
1999 in thitumnak an rak tuah i, an rak buai tuk hringhran ve. David 41 le Victoria 42 hi minthang an si i, chungkhar nuam ngai dingah kan ruah hna, asinain an rak si ve lo. Chungkhar kuai dengdeng in kum tampi caan an rak hmang. Asinain an i pehtlaihnak hri a cat thai kho taktak lo. Kan fale pali ruangah a si an ti.
January 30, 2017 ah an hawile minung paruk hmaiah a nupi Victoria he an i thitum biakamnak a thli in an tharchuah than. Pakhat le pakhat karlak ah dawtnak le zawnruahnak kan ngei than lai tiah biakamnak zong an tuah. A rak i thitum lioah khan cun vawleicung minthang hna hmaika ah sunglawi tuk in thitum biakamnak an rak tuah.
Asinain an i thitumnak biakam cu fekfuan lo huaha in a kal lengmang i, atu cun a thar in an tuah than cang. BBC Radio 4’s Desert Island Discs show ah David Beckam nih Victoria he biakamnak thar an ser thannak kong a phuan.
Hmailei zong ah pakhat le pakhat cungah kan i dawtnak a feh zungzal khawhnak ding ah a thar in biakamnak kan tuah than tiah David nih a chim. A chim thanmi cu 'kan rak i thitum kaa biakamnak cu kan hlonh cang. A thar in biakamnak kan tuah than. Kan hawile minung he kan inn ah kan tuah' tiah a chim. Ref: The sun.
Nupi An Thitmi A 'Virgin' Lo Caah An Then Than
------------------------