Taluk cozah hnatlaknak tel loin Taluk Khrihfami nu Ma Huichao cu a hawile pali he Bible Study
a tuah ruangah police nih an tlaih. Taluk cozah nawlngeitu nih an chimmi cu 'cozah hnatlaknak lak loin Bible Study an tuah ruangah kan tlaih' tiah police lei nih an chim.
a tuah ruangah police nih an tlaih. Taluk cozah nawlngeitu nih an chimmi cu 'cozah hnatlaknak lak loin Bible Study an tuah ruangah kan tlaih' tiah police lei nih an chim.
A sihni zong nih zeihmanh a bawmh khawhmi a um lo. Aa zuam lengmang ko nain cozah lei nih Huichao caah biachimnak caan zong an pe duh lo. December 30 (ningani) in thong an thlak cang. Kum thum chung thong thlak ding in a bia an chahpiak. Taluk cozah (communist cozah) hi Khrihfami hna a doh i, a hrem lengmangmi an si.
Pastors an siah Khrihfami hna an siah an tlaih i an hrem hna i, thong an thlakmi hna an tam tuk cang. October 2016 ah Taluk cozah nih 'The Revised Draft of Regulations on Religious Affairs' timi phung an ser i, Khrihfami pumhnak, conference tuahnak, training peknak, internet in Pathian kong chimnak tbk an kham dih. Taluk ah Khrihfami hna zalonnak a tlawm ngaingai.
Biakinn cung kipah Vailam tung an dirtermi zong Taluk cozah nih an hrawh dih. Inn sak phung he aa kalh an ti hna i, vailam tung phun tbk an onh hna lo. Ramchung ah Taluk cozah nih Khrihfami hna namneh a kan duhnak a si tiah Biaknak a au pitu bu nih cun an ti. November le October thla chung hmanh ah Khrihfami hna tam tuk an tlaih hna.
Hngakchia an cawnpiakmi hna zong hi an thluak nan tlawl hna an ti hna i, cozah nih a phunphun in sual an puh hna. August ah khan hngakchia a cawnpiakmi saya pahnih zong hngakchia thluak nan tawl hna tiah Xinjiang ah an tlaih hna. Taluk upadi nih biaknak kong cawnpiak hi a kham. Kum 18 in a tanglei cawnpiak hna lo zeicatiah thluak tawlnak thil a si caah Biaknak cawnpiak hi kan kham hrimhrim a hau an ti. Ref: TCP.