Khrihfami zong nih ngaihthiamnak nun hi kan ngei kho tlu lo. Asinain vawleicung minthang bik Billy Graham nih cun 'ngaihthiamnak nun a ngei lomi hna cu Pathian he pehtlaihnak an ngei kho lo' tiah a chim. Billy Graham nih a chim thanmi cu 'Pathian nih a kan auh ah hin ngaihthiamnak nun ngei ding in a kan auh' a ti.
Kanmah zong a kan ngaihthiam i, tling tein a dawtnak le a thluachuahnak a kan pek bantukin midang cung zong ah tuah ve ding a kan fialmi a si' tiah a chim chih. Ngaihthiamnak nun ngeih hi a har tuk. Asinain Khrihfami hna nih cun ngaihthiamnak nun ngeih hi kan ngeih hrimhrim awk a si. Ngaihthiamnak nun hi kan rian le tuanvo zong a si lo.
Khrihfami nun he aa then thiam lomi le aa tlaimi nunn a si. Rian le tuanvo cu tuah lo khawh an si, asinain ngaihthiamnak nun cu tuah lo awk a tha lomi a si. Harnak a kan pemi ngaihthiam hi a fawi lo. Kan minung sinak cun lehrul ve kha kan duhmi a si. Asinain kan lehrul ve hna ahcun a zual chin lengmang lai i, rualremnak a um thiam ding a si lo' tiah a chim chih.
Bible nih ralrinnak a kan pekmi cu 'ka hawile hna, lehrul cham hlah u, Pathian nih a lehrul ko lai. Thil thalo i teiter hlah u law thil tha in thillo kha tei i zuam u' a kan ti tiah Rom 12: 19, 21 a chim. Billy Graham nih a chim thanmi cu 'midang nih an ngaihthiam duh lo zong ah Khrihfami hna nih cun kan ngaihthiam hna ding a si.
Ngaihthiamnak nun ngeih lo cu a tihnung tukmi sivai bantuk a si. Kan ruahnak le kan lungthin a ei i, a hnu ahcun mi thalo ah a kan canter. 'A khami thingkung, a hung ṭhang i mi tampi harnak a petu bantuk kha ahohmanh si sual hlah u' tiah Bible nih a ti tiah Evangelist Billy Graham nih a chim. Ref: TCP.