President thimmi Donald Trump top ruahnak petu nih nikhatni ah a chimmi cu US thimnak ah Russia aa tel ko tiah ka zumh a ti.
Trump cozah upa dangdang chimmi he cun a vun i kalh taktak. CIA director thing a simi James Woolsey nih CNN sinah a chimmi cu fiang te cun kan chim kho lo nain Russian ka zumh hna, cun a dangdang zong an i tel kho rih men a ti.
Trump cozah upa dangdang chimmi he cun a vun i kalh taktak. CIA director thing a simi James Woolsey nih CNN sinah a chimmi cu fiang te cun kan chim kho lo nain Russian ka zumh hna, cun a dangdang zong an i tel kho rih men a ti.
'Russian hi an i tel hrimhrim ko lai tiah ka zumh, asinain a dang zong an i tel lai lo ka ti duhnak a si lo' a ti. Trump ruahnak petu Woolsey nih cun Taluk le Iran zong an i tel kho men. Party pakhat lawng an si lai lo. Mah naak in theih a har chin rihmi a si. US sungthoh bu nih cun 'digital kutpinam' an zoh tikah Russia an si ko an ti. Tha tein kan dohhlat i kan dawi tikah Russia cozah cungah a tla ko tiah official pakhat nih CNN sinah a chim.
Asinain US sungthoh bu nih mipi theih in an chim-phuan lengmang ko nain Trump le a riantuantu upa nih cun Russian an si lai cu an zum kho hrim lo. 'Fiang tein report hmanh kan hmuh hlanah midang kutdong sawh colh cu a hmaan lomi a si' tiah Trump press secretary Sean Spicer nih CNN ah a chim ve. Trump nih a chim vemi cu 'computer hacking kong hi tampi ka theih. Hacking hi theih a har ngaimi a si. Cucaah midang zong rak si ziar hna seh law kan thei lo' a ti.
Trump nih a chim thanmi cu 'Russian nih a kan hack maw hack lo timi kongah a chung thil ka theih ko. A ra laimi zarh leiah ka phuan te lai' tiah a chim chih. Woolsey cu "Trump nih zeitin dah chunglei thil cu a theih ning a si' tiah an hal i, a lehmi hna cu 'sungthoh bu lei nih an chimh caah a si ko lai. Sungthoh bu chunglei in an chimh cang caah a si ko lai' tiah a leh hna.
'United States of America hi Russia nih a doh ko. Kan sungthoh bu nih fiang tein an langhter khawh tikah cun hi bantuk a um ti lonak ding ah Congress ah fak piin kan chim lai i, dan kan tat lai' tiah Republican Senator John McCain nih Georgia a um chungah a chim. 2008 ah Georgia hi Russia he aa domi an rak si. Ukraine zong ah Lindsey Graham he an tlawng i, Ukrain ralkap he tonnak zong an ngeih i, Russia kong zong fak ngaiin an chim. Ref: CNN.