New York kum thar hmannak ah hlasak thiam, muidawh le tungta tha ngai a simi Mariah Varey cu hlasa ding a si nain TV lei riantuantu upa nih hlasa thiam loin an ka tuah tiah a zai. Mariah team zong an lungfak i, fak piin Dick Clark Productions TV hruaitu cu an mawhchiat.
Dick Clark company (TV) lei hruaitu nih cun an kan mawhchiatmi le an ka zai hnawhmi hi 'nihchuak' a si an ti. Kum 46 Mariah cu a hlasak lioah sivang ngaiin a um. A neihniammi hawikawm pakhat nih TMZ ah a chimmi cu 'Mariah earphone a tha lo tiah kan chimh lengmang ko hna. Asinain an i zeihmanh an remhpiak lo' a ti.
Stgae cung i hla a sak hlan deuh i Ryan Seacrest nih biahalnak an tuahnak ah a hlasanak ding thilri a hman dingmi kogah harnak a tong cang. Mariah a team nih TV lei tuanvo ngeitu sinah an chim tikah stage cung nan kai tikah cun a tha te ko lai an kan ti. A um lengmangmi a si ko' tiah an kan ti an ti.
Stage cungah an hneksak hna tikah a tha ko, asinain a hnuah Mariah nih a hmang kho lo; tha tein a thei kho lo. An zai hnawh hna i an chimh hna zong ah an remhpiak ti hna lo. Mariah nih a hnakhawh chungah aa chiah earphone cu a lak i, sivang ngaiin a remh len. Mipi cu an i nuam tuk i, a tur in an rak tur.
TV lei tuanvo ngeitu nih cun zeihmanh ah an relpiak hna lo. Nihchuak an si an ti men hna. An chimmi cu Mariah nih tha tein a zoh hmasa hna lo. Zeihmanh zoh hmasanak le timh hmasanak um loin a thlamtling cia bantukin a tuah ruangah a si an ti. Ref: The sun.