Mercedes cu kum 24 a si i, a pasal cu Andrew a si i, ralkap a tuanmi a si. Fa pahnih an ngei. A lenglei zohnak cun chungkhar tling tiah an ruah hna. A pasal zong nih a zohthla i, a lungtling tuk. Inn pakhat an ngei i, khaan sarih ngei a si. Asinain a nupi nun ning le konglam a theih cun a kuai dih.
A hnu ah a nupu Mercedes nih a chimmi cu 'ka nunnak hi lih le hrokhrol lawng tein a khat. Ka facebook ah nan ka zoh ahcun American saduhthah tling nan hmuh lai. Asinain a ngaingai ti ahcun kum 14 ka si in mi hnuzultu rian ka rak tuan peng' tiah Dr. Phil sinah a chim.
'Zarh khat ah hin minung 50 or 60 lengmang he kan sual i, $6,000 hrawng hi zarh khat ah ka hmuh' tiah a chim chih. 'A luan cia kum ruk ah khan Andrew he kan i tong. Zeihmanh a rak thei lo. A luan cia thla ah khan, a pahnihnak fa kan ngeihmi cu a fa a si lo kha a a theih. Ka zulh tawnmi fa a rak si' tiah a chim chih.
Andrew nih a hnu ahcun a theih dih. Kan ngaihthiam lai i, na sining hlun vialte kal tak law na fale caah nucan dirhmun tha in na um lai a tiah caan tha zong a pek. Andrew nih a chim thanmi cu 'ka theih khawh tiang ah, hotel kip ah a um' a ti. Keimah nih ka fale ka zohkhanh rih ko hna lai' tiah Andrew nih a chim.
Andrew hi mi tha le fa a daw ngaimi zong a si. Mercedes nih a chim thanmi cu 'zu ka ding, pasal chungkhar pakhat he zong in sex kan tuah, ka pasal rian a tuan chung vialte ka hlen lengmag' a ti. Zarh khat ah a thongthong in tangka a hmu ko nain fangkhat hmanh a ngei ti lo. A pasal nih a then. Inn ngei loin a um cang.
Dr. Phill nih a halmi cu 'na tangka zeitin dah na tuah dih hna? Nangmah le nangmah hmanh na zohkhanh khawh tung lo?' tiah a hal. Mercedes cu a mithli he aa ciah. Mi sual, zuding, drug tong tbk hna umnak ah chiah ding in an timh. An pa sinah a fale cu an um lai. Ref: The mirror.