Martin Luther King Lu Zuk Hmun Ah Winston Churchill Lu Zuk A Chiah Than Cang

President Donald Trump nih Inn Raang pi ah tuah a timhmi pakhat a tuah cang. Inn Raang Office ah Minak Civil Rights hruaitu Martin Luther King lu zuk an chiah. Asinain Trump nih cun King lu zuk cu a lak than i, minthang Englang Prime Minister Winston Churchill lu zuk a chiah than cang. 

Tuan deuh i US Foreign Secretary Boris Johnson sinah a chim bantukin a tuah cang. Tuan deuh ah khan Trump nih Winston Churchil lu zuk kan kua than u law Inn Raang Office ah ka chiah than lai tiah President Trump nih Britain zong a hal hna. New York ah an i ton lioah Trump ruahnak pektu nih Boris Johnson sinah a chimmi a si. 

Britian Prime Minister Theresa May zong a hnatla cang tiah Downing Street nih a chim. Britain le US pehtlaihnak zong a tha ngai lai tiah an zumh. Campaign lioah cun Trump an duh lonak fak tuk in an parliament ah an rak langhter. 'Britain rak ra seh law a karkalak ah a mei kan tlaih lai i, kan tlunter lai' ti bantuk zong in an rak ti len. 

President Obama chan ah Churchill lu zuk cu an lak i, Martin Luther King lu zuk tu an chiah. An rak buai nga. British embassy ah Churchill lu zuk cu an lak i, Trump ah an chiah cang. Inn Raang ka tlawn than tikah Inn Raang ah Churchill lu zuk ka hmuh cang lai a ti. Winston Churchill hi US-Britian tuanbia ah a biapi tukmi Prime Minister le ralkap pasal tha a si. Ref: the sun. 

Europe Ram Ah US Ralkap Cawlcangh Nih Thin A Phanter Chin Lengmang