Ray J le Kim Kardashian an rak i duh lioah an rak lar tuk i, mipi hrimhrim zong nih an uar tuk. An thlithup tape a chuah hnu hrimhrim khan cun social media cu a puah in a rak puak. Media kip business a rak kaiter fawn. A mui zong aa dawh, a tawk zong a tha i a tungtai zong aa dawh i mipi nih an uar khun.
A social media ah hin fan tam tuk a ngeih pinah mipi nih social media kip ah kawl peng a si. Asinain tuan deuh i Paris hotel ah meithal an hmuahchih i, takkholhnak khan ah an luhter i a thil mansung an lak hnu cun social media ah a lang ti lo. A fan pawl nih caan sau pi an hngah hnuah ruah lo piin a hmanthlak a vun tar than.
The sun nih cun 'social media siangpahrang nu a vun tuan than' tiah a ti. A social media ah a chungkhar he hmaan aa thlakmi fiang lo nawn te a vun tar hmanh ah a uar tu pawl nih a but in an but colh. Suimilam 24 chungah million nih a hmanthlak an zoh.
Kum 36 nu kong a thei deuhmi nih an chimmi cu 'a fale pahnih, a pasal Kanye West le amah hmanthlak aa tar i, a zohtu fan hi 24 hrs chungah 42.8 million an si. An nunnak ah hlah maw Kim a nun ti tluk in a fan pawl an i lawm tiah the sun nih a thial than. Nihnih chungah million 4 leng nih Instagram an 'like' piak.
Mah vialte naak in amak deuh rihmi cu thla thum chung lawng bak ah 84 million nih a twitter account an zohpiak. Kim Kardarshian hi a sex tape minchait hnu le fa pahnih ngei a si hnu tiang ah an rak uar tuk peng ko timi a lang. Ref: The sun.