Media He Ral Kan Tho Or Kan I Ral Cang: President Trump

CIA Headquarter ah a leng i, thazaang a va pek hna. 'Kan dawt hna, kan upat hna; 100% kan dirkamh hna lai tiah a kamh hna. Media cungah a lungfahnak zong fak ngaiin a chim. 'Media hi vawleicung ah a dingfel  lo bikmi minung lakah an i tel. Medai he ral kan tho' tiah fak ngaiin a chim.  

Ningani ah mipi an tlawmtam kong an reportmi zong an hrokhrol a si a ti. Medai hmaanthlak ahcun minung an tlawm nain Capitol bia ka chim ah hin Washington Monument tiang an phan tiah a chim. A hnuah Inn Raang Press Secretary nih a chimmi cu 'Inauguration chan chungah a tam cem an si' a ti ve. 

Nirukni ah nu lamzawhnak a um ve. Film tuahtu Micheal Moore zong bia a chim i, huat a tlau ngamsam. Ningani ah Washington DC i angki naak aa hruk i sandah a piahmi hna hrimhrim kha huat an tlau kho tuk. Lam kip ah an tli i, thil tha zong an hrawh dih, heh tiah an tli i, misual bantukin an cawlcang. 

Democracy ram ah an um cu an van tha tuk. Ramdang or Muslim ahcun si seh law Micheal Moore a siah, kha hna pawl an siah sau an nung lai lo; an thah colh hna lai. Mihrut zong Democracy ram ahcun bawi fa bantukin an um kho ve i, an lal tuk ngamsam hna. Lawmh a thei lomi minung an si. 

Cheukhat nih an chimmi cu President Trump biakamnak ni naak in nu lam zawhnak ah a chuakmi minung an tam deuh an ti. Asinain CIA Headquarter a len ahcun nu lam zawhnak kong a chim lo. Media kong cu fak ngaiin a chim. Trump nih a chimmi cu 'million pakhat le a cheu cu a ra lai. Media tu nih cun 250,000 hrawng lawng in an langhter' a ti. 

'Inauguration ah a tam cem kan hmuh a si lai. Vawleicung ram kip in a siah a hmun ummi in an siah an tam lai. Mipi lungthawhnak zorter duh ah an tuah hramhrammi a si' tiah fak ngaiin Press Secretary Sean Spicer nih a chim. Ref: BBC. 

CIA Headquarter Ah Trump A Leng, Pathian Kong A Chimmi Rel Ve (Video He)