President thing Bill Clinton le First Lady thing Hillary Clintong zong Presidential Inauguration Service ah an kal. Clinton cu a mithmai aa panhter chih len, asinain Bill tu cu a mithmai a panh theng lomi a lo. Mipi mit vialte cu Trump cungah a tlak dih lioah Bill mit cu kaa dang ah a tla diam.
The sun nih a chimmi cu 'thil pakhat khat nih a mit tlai seh law cu bang, Trump cung zong ah a mit thla kho loin First Lady Melania cung lawng te ah a mit a tla. Hillary aa mer riangmang i Bill cu a zoh chih sek len ko nain zeihmanh san a tlaih lo caah a mer tak than. Mah tluk cun Melania maw a rak suai ve ko hnga' a ti.
Melania hi model thing zong a si i, a mui zong aa dawh i, a tungtai zong a tha. A fim ngai fawn an ti. A thil thuam hruk hrimhrim zoh cim a si lo. Mah ruangah cun Bill nih kaa dang zoh kho loin Melania cungah lawng te ah a mit aa futnak a si ko lai tiah zumh a si.
President a rak tuan lioah a secretary nu Monica Lewinsky he thlithup in an rak i duh i, fak tuk in an mual a rak pho. Bill hi nu ah rit pah dawh a si. November 2014 zong ah pakhat nu tang (hnuk) a rak zoh chin lennak hmanthlak a chuak i, social media kip an rak phozar. Asinain Hillary nih a pasal thangchiatnak a chim bal lo.
Dai tein a um peng. Clinton hi nu fim ngaingai a si. Nu thawng zong a si. Tutan President biakamnak zong ah a rak chuak kho fawn. A chimmi cu 'kan democracy le a nun pimi phung upat awk ah ka rak ra. Kan ram le a hmailei zumh hi ka ngol bal lai lo' tiah Hillary Clinton nih a chim. Ref: The sun.