Ningani US President biakamnak tuahnak ni cu a ropui i, a sunglawi kho tuk. Minung an tam le an tammuaimi aa dawh tinak si loin zeitluk in dah democracy an sunhlawih timi a lang. Hillary Clinton nih cun 'kan democracy le a nun pimi phung upatnak pek awk ah ka rak ra. Kan ram le a hmailei zumh hi ka ngol lai lo' a ti.
President Trump biachimmi chung in aa dawh tukmi hna cu 'Vision thar nih America a kan uk cang lai. Atu caan hi American mipi caan a si. Nanmah caan a si. Tu ni thok cun kan ram a uktuu cu American mipi nan si cang. American mipi kan deuh hrimhrim hna lai lo. America nih teinak a hmuh thluahmah cang lai' a ti.
'Washington cu a thangcho thluahmah nain a mipi nih a rumnak an i hrawm kho lo. Politician an thangcho, asinain rian nih a kan chuah tak dih i, factory vialte khar thluahmah an si' a ti. Fak ngaiin a chim thanmi cu thahnak le lainawnnak kong a si. 'Atu le kaahin American thahnak le lainawnnak kan donghter cang lai' a ti.
A peh thanmi cu 'rian kan ser than lai, kan lam, kan sianginn le kan khua chung vialte kan ser than dih hna lai. American, kan bia ngai u, kan in philh hrimhrim ti hna lai lo' a ti. Trump biachim hi American mipi caah hnemtu taktak a si. Trump lungthin le ruahnak zong a lang. Campaign lio in a siah ningani chun tiang a siah American mipi timi hi a rak i nun pi taktak ko timi a lang. Ref: VOA News.