President thing Obama nih kum riat chung US a hruai chungah Israel Prime Minister thil a rak rit tuk ko rua. Nikhatni ah cun 'ka thilrit tuk hringhranmi kha a zaang cang lai' tiah President Trump he an i chawnhnak kong a chim pah in a phuan.
Iran nuclear hnatlaknak an tuahmi kongah President Trump he kan hmuh ning aa khat. Palestinian kong zong ah kan hmuh ning aa khat a ti. Zarhpini ah President Trump he phone kan i chawnhmi cu a nuam i, ka thilrit a zanter ngai cang' tiah a chim. February thla chungah tonnak an ngei lai.
'Kum riat chung Iran nuclear kong a siah Inn kan sakmi kong a siah President Obama sinin namnehnak ka phurhmi vialte an zaang dih cang lai. Trump nih thlennak a vun chuah pi dingmi hi lunglawm tein ka don' tiah a chim chih.
Israel Prime Minister Netanyahu nih a chim thanmi cu 'Israel le US pehtlaihnak kan thawnter caan a si cang, fimkaan tein diplomatic rian kan tuan caan a si cang, kan hawi hna he kan i pehtlaihnak kan thawnter cang a si cang. Kan riantuan a that ahcun Israel le Trump cozah thar karlak ah neihniam tein rian kan tuan ti kho lai' a ti.
PM Netanyahu nih ramchung Party dangdang le bu dangdang zong a ton hna. 'Israel kan thathnemnak ding le inn sak kongah ruahnak pek kan duhmi hna cu kan ruahnak aa dang lengluangmi hi chia hna u sih law ka ram ka hruaiter ko u' a ti hna.
Jewish Home party chungtel pakhat Bennet nih a chimmi cu' kum 50 chungah kan voikhat hmuhnak caan tha a si a ti ve hna. 'Kan in dirkamh ko lai. Raltha le fek tein kan hruai ko' tiah PM Netanyahu cu a ti. Ref: TOI.